2008 Upadi a palsat uh hi ding

2008 Upadi a palsat uh hi ding
Dr. Aye Maung

Makaipi guk kimukhopna ding pen Union Parliament in a kingen ahih manin, aana nei kumpite in lim takin a ngaihsut loh uh phamawh ding hi.

Hih pen mimal khat in a nget hi zenzen lo a, a sang pen aana neite kithukimin ngetna ahi hi. NLD bek cih bang in ngetna hi zenzen lo a, 2008 tawh telcingte kilomkhawmin ngetna ahih manin, aana neite in a thupi san mahmah hamtang ding uh hi. A zenzen in a san nop het kei uh leh amau teek in a bawl 2008 upadi a palsat uh hi ding hi.

Upadi zuun phat ding tawh kisai-in No. 436 pen mi awn 5 valin minthuh in a kingen khin hi a, tua banah tu hun tawh a kituak lo tampi om lai hi, ci-in mipi lam panin zong kician takin genna tam khin mahmah hi.

President in mipite tungah a TV panin a genna ah, “Union Parliament in upadi zuun phat theihna aana nei hi,” ci-in tam veipi a gen khit banah ka tavuan hi loin, kisaina zong ka nei kei hi. UP tavuan ahi hi, ci-in gen beh lai hi. Tua a deihna in, “Upadi zuun phatna hangin mailam ah Democracy tawh kalsuan theihna ding leh kumpi hong semte a dingin matutna hi ding,” a cihna ahih lam mipi in kitel kim pah hi.

Upadi 4na bangin mipitel cing pen 75% om a, upadi 14na bangin galkapte 25% om hi. Hih 25% thu bangbangin 75% gamta ding i hi hiam? Tua bang hi zenzen leh Union Parliament in hih 2008 upadi hangin buaina pen a suveng zo lo i hihna hong kilang sak hi. UP ah ci le hang Min Aung Hlaing leh U Thein Sein zong a kihel ahi uh hi. Mai kum kitelna ah deihin deihta kei le hangin NLD mah in hong zo ding hi. ASSK ci le hang MP khat ahih banah Upadi vai lam saipi tavuan zong a kipia ahi hi.

Tua ahih manin hih ngetna pen i suan leh muan teng kihona ding ahih manin, hong nei thei le uh pha ding hi.
Ref: Daily Eleven Dec. 2 laimai 2 leh 3

Zo Aw