Malaysia sumbeilo in aki paithei takpi mahhiam?

Camaron High Land aa kiman Zomi, Laimi, Zotung, Zophei, Kanpalet, Paletwa, Mendat, Mara, Hakha, Falam, Mizo, Kawlmi te akipan minam tampi om aa, vekpi in tua gamsungah 1500 bang om ding hi kici hi.

Kiman cih ciangin kumpi thunei palik te mat hilo in Kawlgam pan hong puak puaisa te in tua mun a puaisapi te tungah va ap hizaw hi. Mancip in thongkhum in vuagawp hilo aa nitha tawmno khat tawh annek tawm ding tha lawhsak uh hi.

Amaute pen Malaysia gam atun khit ciangin sum lawh nasem dingin tua mun ah avapai hilo hi. Hi thu pen tutawm aa piang hilo in kumsawtpi hikhin ta hi. Thu galzak a hih manin mipi in kitelkim lo hi.

Bul gen leng Kawlpi panin puaisa nono (mizong pawl)Zomi nupi khat bang om cizen hi. Malaysia ah sumbeilo in na painuam hiam? ci in mizongin puaisa te kiang puak hi. Puaisa ten Yangon ah puaksuk aa tua mizong te in Ks 70000 kim ngah ci uhhi. Yangon panin puaisa te in gamgi puaisa ah, gamgi puaisa ten Malaysia puaisa ah kikhak suk uhhi.

Malaysia gam atun uh ciangin KL puaklo in Puaisa te omna phualpi mualtung/mualdawn khua khat ahi Camaron Highland ah puaksuak hi. Hih mun pen puaisa te phualpi a hihi.

Kawlgam pan hong pai limlim uh pan pekkhat zong beilo aa hong pai ahih manun puaisa te kizuak suksuk hi lel uh a, mualdawn puaisa khutsung hong tun ciangun amau manzah ding ahih kei leh amau leina zah tawh tuat in na lamsap hizah bei ahih manin na mel_theih te hopih inla ni3 sung/kaalkhat sung hong tat kei leh RM4000 cih bangin tawnbawl hi.

Pekkhat zong beilo in Malaysia hong tung himawk ahih manun puaisa ten zong mikhem hikhinlo ding aa sumzian sikin sumbawl na in hong nei cileng kikhiallo ding hi. Tedim leh Kawlpi kikaal na ngawn sumbeilo in kipai theilo pen Malaysia ah sumbeilo in pai ding cih asawm aa hong pai te pen a khial masa hizaw leng ih kilawm hi. Tuabek hilo in Malaysia gam hong tun ciangun sum pialo in taisim nuam hilai mawk hi. Tua bang a ataisim te amatkik zong om uh aa tua bang mite hangin adang te in thuaklawh mahmah uh ci hi.

Sum piak ding omlo, contact neilo te lamsap cin dong nasem sak uh ci hi. Ahih kei leh puaisa phualpi ahih manin puaisa dang te in tua mun panin vokno akno lei in kilei aa Buangnai kung suanna ding gamvat, Sathau kung tuhna ding gamvat, Tuipi tungah ngasa beng, Singno ciin na huan ah nasem ding cih bangin tua mun panin kizuak kilei khengkhang ci uhhi.

Khatpa genna bang ah ka lovatna uh pen Adam khang aa kipan sing kiphuk nailohna gammangpi lak hi in gamsa sai, humpi, sahang, gulpi, ngal, vompi, kamkeei cih aa kipan tam mahmah in ahonhon bekin kaki thuah uh ci hi. Hi thei leh kua mah mah hi bangin hong pai nawnkei tapeuh hen ci hi. Hipa pen gamsung ah liamin zato kipuak aa zato pan palik ten manin thong khum hi. Thong panin kha7 bang khitteh RM2000 tawh a khua makai te in tan khia hi.

Tua ahih manin Zomi makai aa, kawlmi makai zongin hi bang mun te ah ih makai te cih pahpah ding zong ngaihsut huai veve kasa hi.

Puaisa tawh leilam tawn aa hongpai Zomi te nung kum 2014 sungin Pahang State Malaysia sung hong tun ciangun palik ten anung pan delh in Puaisa te laulua in mawtaw hathawl lua ahih manin mawtaw kibung aa tua mun ah 5 asihna sungah Zomi khat hong kihel kha hi. Puaisa te asi tawh ataimang tawh om ahih manin Zomipa luanghawm vai in Kuala Lumpur panin ki delh aa Kha khat sung zumvai teng akibuaipih khitteh Pahang State Christian han khatah vuina ki nei thei hi. Zumkong mangkong ah dingin Zomi te luang apham makai te himawk hi.

Bangbang ahi zongin Malaysia ah sumbeilo in kipai thei cih a ummi te aki khial hi mawk hi.

Ih khuapih ciat, Ih pawlpi ciat kipawlna ciat ah hih thu te theisak in kizasak sawnni.

Theihnop beh a om leh ki thuza ni.
Kam Mung
016 9956 231

On 9 Feb 2015 00:01 “pau mang” paumang@gmail.com wrote:

Malaysia, Camaron Highland ah Zomi (Chin ) tampi mat leh hen tuak in gen theih na namkim toh om uh a Chin makai te a gam gam uh pan a mi te uh delh ding in kithawi zatzat ta…leng leng ta uh…

Ei Zomi te zongh honpi khat mah ki om ci hi ven..

Zomi makai te bangh cih khong di ???
A phual a om te mawhpuak pia phei zeau ding maw?

A thu kan lai phot ding maw ???

A phual a om ten ei pawl ah hong lut te hi kei ..na ci zeal leh…

A kikal a Zomi te….

* Bang ii paulap zeal tam maw..

Aw..Zomi…zomi……