US Ohio State sung aom Night Club khatah thau kikapna piang in mi 1 si, 14 liam

US Ohio State sung aom Night Club khatah thau kikapna piang in mi 1 si, 14 liam

US Ohio State sung aom Cincinnati khusung Night Club khatah thau kikapna piang ahih manin, mi 1 in sihlawh a, adangzong mi 14 bang liam cih CNN pan kiza hi.

Thau kikapna apianna pen Cincinnati khuasung aom Cameo Night Club sung ah hi a, Sunday zingsang 1am hunpawl in buaina apiang ahihi. Cincinnati Police Sgt. Eric Franz in agenkhiatna ah aliam tampi te lakpan Surgery akibawl zong tampi mah om ci a, tuciangciang thau akap Suspect matzawh omnailo cihi.

Ahi zongin Police te’n agei ah amukha mipi te dotna aneih kawikawi laitak uh ahihi. Police Sgt. Eric Franz in agen masakna ah thau akappen mi khatbek hiloding, “multiple shooters” ci’n honkhat hikhading hi ci’n genkhia hi.

Ahi zongin akhuanung ah Cincinnati Assistant Police Chief Paul Neudigate in genkhiatna neikik leuleu a, thau akap pen mi khatbek hiding cikik leuleu hi.

Ahi zongin thau akappen kuacih ki theician nailo a, Terrorism bel hiloding in ki ummawh cihi.

Cameo Night Club ah lungmuanna aomnading in Security asemding in Police Officers te ngiatzong akicial ahihi. Police Officers nihpen Night Club lutna Entrance ah Duty aki dingsakden hi a, adang Police Officers nihte pen mawtaw koihna Parking Lots ah Duty aki dingsak hi ci’n Sergeant Franz in genkhia hi.

More: US, Wisconsin State sungah thau kikapna piang, mi 4 si

US gamsung Las Vegas ahzong Saturday zingsanglam in Bus tungkhatah thau kikapna piangin mi 1 si in adangkhat liam cihzong kiza hi. Thau kikap cih vive kilimzak mahmah hi. ZD Sawltak #zomidaily