Kawlgam Letpadaung ah khuasungmi te leh Palik te buaina hangin mi 15 liam

Kawlgam Letpadaung ah khuasungmi te leh Palik te buaina hangin mi 15 liam

Kawlgam Letpadaung Copper Mine vaitawh Police te leh khuasung mi Locals te buaina piang ahih manin mi 15 liam cih Irrawaddy pan kiza hi. Friday zanlam in buaina apiang hi a, khuasungmi te’n lampi khaktan in lungphona aneih uhpen Police te’n Rubber Bullet kici Rubber thautang tawh kap uh ahih manin akibuang ngeingai ahihi.

Lungphona anei mipi pen 30 bang pha uh a, avek un Moegyopyin khuapan ahi uhhi. Rubber Bullet tawh khuasungmi 15 bang kikapkha hi. Khuasungmi te’nzong thaltawh lehkap in, pawlkhat in suangtawh deng uhhi ci’n Moegyopyin khuasung aom U La Pyae in genkhia hi.

Tuabang buaina aomkhit ciangin khuasungmi te’n lampi hongkik uh a, Trucks mawtawpi tezong lamzik tungah paikhuan kipiakik cihi.

Tua akhakcip uh lampi pen Letpadaung Mining Site leh Wanbao Mining Company akikawmna lamkal ah aki khakcip hi a, Friday ni zingsanglam akipan khuasungmi te’n lungphona in akhakcipsak uh ahihi. Tuahang in Mining Site panin akipuakhia Waste Soil kici leitang tepen Truck mawtawpi te’n puatheilo in lampi ah awkciksak uhhi.

Khuasung mite genna ah tuabang lei apua Truck mawtawpi te’n lampi thukhun te zuilo uh ahih manin lampi tungah Accident piangsak in, ganhing te taihlumkha uh a, mihing zong aliamlawh om ci uhhi. Ahi zongin tuabangin Accident apianciang mawhpuak lonuamlo uh a, Company ah aki zaksak hanginzong bangmah buaipihlo uh cihi.

More: Mandalay ah palik te’n Pistol, thautang honkhat, vankham honkhat mankhia

Tuabang in Complaints tamveipi akibawl hangin Local Authorities te’nzong thudonlo in koihcip uh ahih manin, khuasung mipi te ki lungkimlo in lungphona akinei a, lampi aki khakcip ahihi ci’n Moegyopyin khuasung aom Ma Zarchi Lin kici numei khatin genkhia hi. Hih Letpadaung Mining Site pen Chinese Company khatin atawh uh hi a, khuasung mipi tetawh buaina piangpahpah hi. ZD Sawltak #zomidaily