US, Colorado State sungah Police Officer khat kikaplum, akapte kimanzo nailo

US, Colorado State sungah Police Officer khat kikaplum, akapte kimanzo nailo

USA, Colorado State sung aom Adams County ah Police Officer khat thautawh kikaplum cih Fox News pan kiza hi. Wednesday nitaklam in Thornton ah akikaplum hi a, Police te’n akaplum te azonsan laitak ahihi.

Law Enforcement Sources te genkhiatna ah thaukapte lakah muanmawh Suspect athumna pen kimankhin ci a, adang mi 2 tepen aki nakzonsan mahmah laitak ci uhhi.

Colorado Police Officers Foundation te’n tua akikaplum Deputy pen Thursday zingsanglam in pulakkhia uh a, tuapa pen kum 32 aphakhin Heath Gumm kici hi.

Heath Gumm pen zi leh innkuan aneikhin ahih manin, anutsiat a innkuanpih te huhna apianuam aomleh ci’n Donation Webpage zong ki bawlsakkhin hi.

Police te genna ah hih thaukikapna akitheih ciangin kidelhpah a, ahi zongin aphual katun uhciangin tua Police Officer akaplum tepen taikhia vingveng uh cihi.

Tua kuamsungteng hoihtak akizon kawikawi ciangin muanmawh Suspect Description tawh akibang pasal khat kimukhia hi ci’n Police te’n genbeh hi.

Police Spokeswoman khatin agenna ah tua thautawipa in Police Officer tawh aki nialkhit ciangin handgun thautawh Officer kapin taikhia hi ci’n genkhia hi. Tua Police Officer pen a awm kapkha in, amahpen khetawh taivingveng cihi.

SWAT Team te’n tua mikaplum te zonsanlai uh a, vanleng Airborne Drone te zangin tua kuamsungteng nakzon mahmah uhhi.

Adams County Sheriff’s Office inzong thau kikapzawh asawtlo in Twitter tungah Officer khat si hi, 88th leh Dawston Street te panin naki hemkhia un ci’n gelhkhia uhhi. Thautawite pen kimanzo nailo ahih manin, kidawm un ci’n mipi te zaksakna nei uhhi.

Khuasung vengsung mipi pawlkhat te genna ah hih thaukikapna buaina apiankhit ciangin khuasung pen Security khauhmahmah hi. Officers te Rifle thautawi in kileh ziahziah uh a, Deputy khatin kidawm un, thautawi hongki muhkhakleh Rifle tawh ngimsa in hongki koih hi ci’n genkhia cihi.

More: USA, Denver khuapualam ah thau kikap, Police Officer khat si, adang mi 6 liam

Nungdiak khakhatzong acingnailo inzong Colorado, Douglas County sungah thaukikapna piangin Deputy khatmah kikaplum a, adangzong mi tampi liam ngeikhin uhhi. Sawltak #zomidaily