Hong kigen Hong kihilh pakpak lo Thusiim

Hong kigen Hong kihilh pakpak lo Thusiim

1. Minam khempeuh in khantohna kiut tek hi. Khantohna ah nasep masak ding leh nasep nunung ding hong kigen hong kihilh masa pakpak lo hi.

2. Akhangto nuam napi akhangto theinailo dingte in nasep nading sum omleh cih makai kinei hi.

3.Khangto nailo napi akhangto nuam minam makai te in aminamte nasep ding gel in sumlut nasep pia -in Makai sem uh a, Akhangto minam leh gam suak uh hi.

4. Khantoh nading Makai hoih kisam hi aci niloh te in Nungzuih siam ding ci zel uh a, Nungzuisiam te Makai siam ahihi cih tawh thu mual khum pen lampi zuihding thukhun agel ngei kei hi.

5. Gampua ah nasep hong ki makaih nazui in thuman ngamtat na in Khasum hong piak ding deihna ahih leh Banghang in gam leh nam makai te in natate uh thu maan nasep khasum akhom ding guan lo na hi uh hiam?

6. Makai leh Nautang nungzui te lungsim ah’ Kipahtawi ‘ Kiphat leh kiut tek napi Makai te in Mipi te phat in pahtawina kampau ngeilo leh Mipi in Makaite gina takei leh phat in apahtawi ngeilo minam leh gam in vanholh in khangto ngeilo ahihi.

7. Lungduai napen puak hak mahmah a, Apil pen leh Ahau pen zong khatveivei agam leh aminam tung ah lungtom sintom thei hun aomciang in mawhsak huai pahpah khollo ahihi. Abanghang ahi namcih lungngaih pih na kisam hi.

8. Nupa ki-itna pen mel hoihna leh Sum leh Paai hang ahih leh kikhan tulpih zo ngeilo in kikhen tek thei uh ahihi. Gam leh Nam itna ah Tawmvei gilpi leh minphatna ding in nasep asem te aminam khangsak ngeilo hi.

9. Kisiatna natuamtuam tek lak ah Lungsim khingkhai siam in Khuahun leh Mipi deihna mun kisiatna alemsiam te bek Makai hoih ahihi.

10. Ahoih ahoihlo kitelnailo pipi’ kilang etna party vai minam vai, Kiukna vai, Thukhun vai ah eisan theihloh nahang in langet nop luatna tawh lungsim kikhelsak kimudah sak te in Gam leh Nam ah Makai leh Nungzui siam mihoih hi ngeilo ahihi.

Hau Thang