US Buffalo Police te Wanted List ah Kawlgammi khat kihel

US Buffalo Police te Wanted List ah Kawlgammi khat kihel

Buffalo Police Department te ii abeisa Wednesday ni “Wanted List” sungah Kawlgammi khat hongki helmawk hi. Tuapa minpen Yan Soe kici a, kum 32 aphakhin khat ahihi. Atha sanna 5’08” hi a, agihna 155 pounds cihi.

Hih Yan Soe kicipa pen numei buanvai “Rape” tawh Buffalo Police Department te’n azong uh ahihi. Naupang kumcing nailo, kum 17 nuai khat na bawlsiakhia ahidiam, Criminal Sexual Act tawh kikan cih TWC News te’n suaksak uhhi.

Hihpa amukha, atheikha te’n 911 ah amanlang in hongzaksak un ci’n Buffalo Police Department te’n Wanted List sungah koihmiau mawk uhhi.

Abeisa tukum January khasung in YouTube ah hihpa thu Interview kibawlna Video Clip khat ki khahkhia ngei a, amahpen “Buffalo Police Department 21st Century” panin Scholarship angah cizawmah lai hi.

Interview abawlna uh YouTube Video Clip anuai ah

BPD21C စကောလားရှစ်ရရှိသူ ကိုရန်နောင်စိုးနှင့်အင်တာဗျူး

More: Turkey gamah Boarding School meikang, numei 11 si

Yan Soe pen Kawlgam, Karen State pan hi a, Thai Refugee Camp panin US gamsung alut ahihi. ZD Sawltak #zomidaily