Thai kumpi tokhum in kumpi takding pulakta

Thai kumpi tokhum in kumpi takding pulakta

Dec. 2, 2016: Leitung bup-a kumpi sawt lenpen a kiciamteh Thailand Kumpipa Bhumibol Adulyadej October kha-in a sih manin Thai Kumpi tokhom in a zalaih dingin zan in a tapa Crown Prince Maha Vajiralongkorn seh hi. Vajiralongkorn pen kum 64 mi hi a, National Legislative Assembly (NLA) in 1782 kum-a kiphuankhia Chakri kumpi ukna (dynasty) kumpi 10na dingin kumpi len dingin a cialna bangin thukim hi.

Vajiralongkorn in, “Ka pa’ deihna bangin kumpi let ding ka thukim hi… Thai mite phattuamna dingin nasem dingin kumpi ka len ding hi,” ci hi Hih kumpi thak ding guan’na hun pen Bangkok khuapi-a kumpi inn (palace) ah kinei hi.

Hih hunah galkap thuneihna tawh gam uk leh NLA chief Prayut Chan-O-Cha zong kihel a, hih hun pen Thai television channels-te ah kikhah khia hi. Kumpi thak dingin a kipulak manin Buddhist temples khempeuh ah khuangte leh zaamte (gongs) a kisatna dingin thu kipia hi.

Vajiralongkorn kumpi dingin a kipulak tawh kituak in kumpipa a sih khit a kipanin ama’ zalen pak dinga a kiseh (regent) kum 96 a upa Privy Council President Gen Prem Tinsulanonda tavuan bei ta cihna suak a, kumpipa sih khit ni 50 cin’ ni lianin kumpi thak ding kipulak hi.

More: Saudi kumpipa’n numei te mawtaw hawlkhuan piata

Ahih hangin Vajiralongkorn in a pa’ kihal khit (cremated) ciang bekin kumpi tokhom tungah tu pan ding hi. Kumpi Bhumibol Adulyadej pen mai kum ciangin kihal pan ding hi kici hi. Chakri dynasty kumpi 10na ahih tawh kituak in Maha Vajiralongkorn pen Rama X cih min kipia hi. Source : The Hindu/ Thang Khan Lian