Malaysia, Alor Setar aom Hotel khatah apuakkhamthei van kilot

Malaysia, Alor Setar aom Hotel khatah apuakkhamthei van kilot

Malaysia, Alor Setar khuasung aom Hotel khatah tuni Saturday zingsanglam in apuakkham khat om cih theStar pan kiza hi. Tua Hotel pen aki hongthakcil hi a, tuzingsangtung lamin amailam ah apuakkham, alutna lamah apuakkham apiang ahihi.

Hihvai tawh kisai in palik thunei ahi Kota Setar OCPD ACP Mohd Rozi Jidin in agenna ah hih thuthang pen apiang taktakmah hi a, Hotel Management te’nzong Police Report hongbawl khinta uh ci’n genkhia hi.

Tua apuakkham hangin Hotel ii amailam Entrance taklam aom Glass Panel kitam in, Hotel’s Porch ii atungkhuh zong kisia cih kiza hi.

Apuakkham apianhun pen zingsang 4:30am hunpawl hi a, aliam kuamah omlo hi.

Hih buaina vaitawh kisai in Police te’n hoihtak sitcian in, Investigation abawlsan laitak uh ahihi. Banghang in bangci bangin puakkham cihpen akician in genkhiatbehna omnailo hi.

Video: Explosive device hurled at newly-opened Alor Setar hotel

Ahi zongin Hotel Security te genna ah pasal khat Motorcycle tawh hongpai in Hotel mailam Entrance alutna geinai ah 2 veikhawng akileh kamu cihi.

Tuakhiat asawtlo in tua Motorcycle tuangpa’n Hotel lamsang ah vankhat lotphei in, tuaciang in apuakkham kici hi.

More: India, Bangalore City ah Gas bung puakkham in inn kicim, mi 6 si

Police te’n hih buaina vai pen “Section 435 of Penal Code for causing mischief by fire or an explosive substance” cihtawh thu bawl uh a, Motorcycle tuangpa zong azonsan laitak uh cih kiza hi. Sawltak #zomidaily