Update: Genting Highlands – Singapore atai Bus khat tuahsia, mi 1 si, 13 liam

Update: Genting Highlands – Singapore atai Bus khat tuahsia, mi 1 si, 13 liam

Zanni Saturday nitak in atuahsia Passenger Bus pen Transtar Express kici Express Bus khat ahihi. Hih Transtar Express Bus pen Singapore leh Genting Highlands kikal Direct in ataite hi a, zanni nitaklam in Genting Highlands panin aciahsuklam in atuahsia ahihi.

Tua Bus pen Genting Highlands panin atuahsuklam in Control theinawnlo ahih manin, amai aom Lorry khat ii anunglam aphukha ahihi. Asipa penzong mawtaw nungzui Bus Attendant hi a, Bus ii amailam ah atu ahih manin, asi ahihi.

(Singapore leh Genting Highlands kikal Direct in akitaisak Bus tepen buaina, tuahsiatna omthei zelzel hi. Kuala Lumpur leh Genting Highlands kikal ataite pen ahawl siamzawdeuh hileh kilawm hi. Zanggam ah mawtaw ahawlhawl tepen khamtung Zogam kengdang khawngah ahawl uhciangin buaina aomtheihdan tawh kibang khading hi)

Video: One person was killed and 13 others injured when a tour bus and a lorry collided at Km30.9 of the Karak-Kuala Lumpur Expressway

07 April: Malaysia, Karak – Kuala Lumpur lamzikpi tungah mawtawpi 2 kiphukha, mi 1 si in 13 liam

Malaysia gamsung aom Karak – Kuala Lumpur Expressway kici lamzikpi tungah tuni Saturday ni in mawtaw tuahsiatna piangin mi 1 si a, adangzong mi 13 bang liamgawp cih Bernama pan kiza hi.

Selangor Fire and Rescue Department panin thunei ahi Spokesman khatin agenkhiatna ah Karak – Kuala Lumpur Expressway tuahsiatna aom ciangin nitaklam 3:30pm hunpawl in huhngetna Distress Call hongki zasak cihi.

Hih Hihway lamzikpi tungah tuahsiatna pen Passenger apua Bus golpi khatleh Lorry mawtawpi khat aki phukha hi a, Karak – Kuala Lumpur Expressway tung aom Kilometre 30.9 ah atuahsia ahihi.

Tuahsiatna aphual ah Selayang Fire and Rescue Station paninzong ahuhding in Firefighter pawlkhat kipaisak hi.

Tuahsiatna ah akihelkha tepen Singapore gammi 12 leh Malaysian gammi 2 ahi uhhi. Aliam khempeuh pen Selayang Hospital ah zatui Treatment kibawlding in kipuakpah uhhi ci’n thunei te’n genkhia uhhi.

Malaysian Police te genkhiatna ah tua atuahsia Bus sungah atuangkha Singaporean gammi 12 tepen avek un liamtek uh cihi. Tualak ah kum 19 aphakhin numei khatpen liamngawh phadiak cihi.

Video: One person was killed and 13 other individuals, mainly Singaporeans, were injured in an accident at Kilometre 30.9 of the Karak-Kuala Lumpur Expressway near Kuala Lumpur on Saturday (April 7)

Malaysian gammi zong mi 2 akihelkha uh hi a, tualak ah khatin asihlawh ahihi. Asi Malaysian gammi pen amin Carles Lagan kici a, kum 26 aphakhin khat ahihi.

KL 5Zones te pulakna ah Passenger Bus penin hoihtak lenkip theilo, Lost Control ahih manin, Lorry mawtawpi ii anunglam aphutsak ci uhhi. Bus in aphutkhakna amailam hengkhiagawp lianghi.

More: Thai gamsung ah Bus tuahsia in meikuanggawp, Myanmar 21 in sihlawh

Tuahsiatna ah akihel mi 14 tepen pasal 4 leh numei 10 kici hi. Hih tuahsiatna ahangpen kitheician taktak nailo a, thunei te’n akanciansan laitak ahihi. Sawltak #zomidaily