ZCD leh NLD Koi Mee piazaw ding

ZCD leh NLD Koi Mee piazaw ding

Tulaai tak kawlgam kiteel ding ani anai bek in samta in kongbiangdong ongnaih ta a Zomi sung ah pawlkhat te hih atung a thutawh kinaakbuai lai mahmah leh kilawm hi. Pawlkhat te in ZCD leh NLD akibang hiam, ahih kei leh akipawl hiam / Azenzen in akibang ahihleh Kumpi alamzoding NLD leh USDP bek om ahihman in NLD pia ziau leeng ci uhhi.

Anaak ngaih sut huai mahmah thumasa khat Zomi te ading in om hi. Tua in Zomi te I I politics peen Kawlte a tawh kibanglo hi cih phawk huai masa hi. Kawlte peen nampi Majority hi uha Amau ading in Democracy maw Military ahihkei leh NLD maw USDP khat zawzaw teelding hiziau lel hi.

Ahizong in ei Zomi te peen Namtawmte Minority ihi a, Hih Kawlte Party pi te ah Vokno hawlbang a kiluut mangtheilo ahihi. Azenzen vamawkluut mang le hang Iminam, ihihna Kawllak ah tuisuakding a, Ingahding hamphatna, I Sasehtan ding te sumkhin in mangthang ding hihang. Tua ahihman in Satan ingahzah ding mantak a ongpiading, ihihna bang a ongsaang a ongthupi sim Party hoih zawzaw ah ikipawl ding ahihi.

Tua ahihman in Zomi te peen hih Kawl Party tea hi NLD, USDP cihte ah vatuisuak a vapum luut haihai ding hilo hi. Ahang peen Zomi ten ineihsun ahi ZCD Party in NLD Party tawh khutkileen kipawl in vaai tampi nahawm khinzo a, Ingahding Sasehtan te akipan Mun le Mual dong ah kamciamna kip nanei khinzo ahihman in ZCD Mee piaziau leeng NLD apia mah isuakpah a, Iminam, ihihna leh ingahzahding hamphatna te kimtak in ingahlaai ding hi.

Party sung ah luut Meepia icih ciang in Aparty thuthu zuiding cihna hi a kipawl cihtawh kibanglo hi. Kipawl cihtak ciang kiho in kithukimna aomciang kipawl theipan hi. ZCD leh NLD peen akibang hilo in Akipawl hia, ZCD Mee pialeeng NLD Meepia mah tawh kibang in NLD bek Mee pialeeng ZCD hawkguam sung a akhia isuakding hi.

Iminam Party ahi ZCD kheng in NLD,USDP cihte Mee ipiak leh khanglui ten “Sakhi thatlo Ngal tangtum” acih ibanglel ding a Tuili sung a Ci tangkhat khiat tawh kibanglel ding hihang.

Zomi te ading ZCD longal Mee piakding omlo a, ZCD longal in Zomi onghawmloding ongseem loding ahihman in Zomi te ZCD ah tuibang luangkhawm photphot ni cin Zeisu mintawh kongzaw hi.

Thang Khawm Pauzomi