Malaysia, Perak sungah Express Bus khat kilumlet, mi 32 liam
Malaysia, Perak State sungah zanni Tuesday ni in Passenger apua Express Bus khat tuahsia cih NST pan kiza hi. Perak State sung aom Gerik – Jeli East West Highway lamzikpi tungah atuahsia hi a, Bus sungah Passenger bekbek mi 30 leh Bus Driver 2 atuangkhawm uh ahihi.
Bus sungah atuangkha Passenger khempeuh leh Driver te akipan liamna ngahciat uh a, Passenger lakah naupangzong pawlkhat kihelkha kici hi.
Hihvai tawh kisai in Gerik district police chief Supt Ismail Che Isa in agenkhiatna ah hih tuahsiatna pen Gerik – Jeli East West Highway tung aom 24 KM munah zanni nitaklam 3pm hunpawl in atuahsia cihi.
Tua Express Bus pen Kuala Perlis lam zuanin atai laitak hi a, mualtung panin lamsuk ah atuahsuk laitak in Driver pa’n hoihtak Control theilo ahih manin akibung hiding kici hi.
Video: An express bus that crashed and overturned along the Gerik – Jeli East West Highway near Tasik Banding, here, today saw all 30 passengers and two drivers sustaining injuries. An infant was among the 30 passengers injured.
Lamsuk atuahsuk laitak in Bus pen veilam nehpheigawp in, tuahkhit ciangin hawkguam sungah ki lumletsuk cihi. Bus Driver pazong alu nakliam mahmah hi.
Police te genna ah Express Bus sungah atuangkha khempeuh liamna ngahtek uh a, ahi zongin ahuaisiadiak leh aliamgawplo bangzah cihpen genkhiathei liannailo uhhi.
More: Thai gamsung ah Bus tuahsia in meikuanggawp, Myanmar 21 in sihlawh
Aliamgawp zawdeuh tepen Gerik Hospital ah kipuaksakpah a, Investigators tezong aphual ah tungpah uhhi. Hih tuahsiatna vaipen “Section 43 (1) of the Road Transport Act 1987” thukhun tawh kizui in tuahsiatna ahang kikanding hi ci’n Police Chief in genkhia hi. Sawltak #zomidaily
Comment piaknop aomleh...