Tulai Rakhine gam vai kei’ muhna

Tulai Rakhine gam vai kei’ muhna

Rakhine kumpi gam akiat zawh kum 233 cin phawkna bawlkhuan ngahloh man a lungpho te palikte’n thautang taktak tawh kap in mi 7 aphual ah sipah in 12 zato kipuak hi.

Hih thu apianma nikhat in asap lai khuadang khat ah mipi’ mai a thugen tulaitak Rakhine makai minthang mahmah khat ahi Dr Aye Mg leh adang khat zong “Athugente uh uanglua” ci’n man uh hi.

Hih thute in tulaitak kawlgambup khuhcip phot tadih hi.

Ngaihsut ding;

1. Bangladesh gam ava beel pak Rakhine gam pan a muslimte kawl kumpi in asankik sawm laitak hi.

2. Kyauk Phyu ah special economic zone (အထူးစီးပြားေရးဇံု) khat abawlsawm laitak hi.

3. Dr Aye Mg pen kawl galkapmangpa tawh maitang kituah in kiho ngei uh a tua zawh asawt lo in Rakhine gam ah kawl galkap alom atang in pai uh hi.

4. 1988 kum gambup buai khit mipi sonate ah hih bang in mihon sih om nailo hi. Kawlgam ah mipi sona a omzel mah hi a hici bawl ngei samlo uh hi.

Mrauk Oo ah akapzan ni a thugen ding pen Dr Aye Mg hi. Athugen ding athulu pen “Khapi lah mangta; Kumpi gam lah mangta” cih hi.

Bangbang aizong Dr Aye Mg bel Aung San Su Kyi te Min Ko Naing te dan mah in hong minthang in hong vaangpha mahmah ding hi. Amau zong galkap te’n manman sekei le uh bangmah suak khollo mah ding uh hiven.

Aizong Dr Aye Mg bel kawlte khat peuh in akhawi khinkhian hiam aih kei leh Rakhine mipi mahmah sung ah khanlawhna lianpi atun khak ding kawlte lau uh hiam cih bel kitel nailo hi.

More: Myanmar, Rakhine, Maungdaw sungpan khakhat sungin mi 84 kithatlum

Bangbang aizong bel kawl kumpi in tutung Rakhine buaina vai bel khoih khial kha ngel un um ing. Khuaihangbu sawkkha abat mawk uh leh bel vaisah toto inteh.

Kiukhat Pan

(Mung Laan Thang)
Zangkong