Emirates Airline te Yangon leh Dubai nisim lengtading
August 3, 2016 ni akipan Emirates Airlines te’n nisim in Dubai panin Yangon leh Vietnam gamte ah vanleng lengsak tading uh ci’n Press Release khahkhiata uhhi.
Hih vanleng tawh khualzinna Route thakpen Boeing 777-300ER Aircraft te zangding uh a, Emirates te ii Southeast Asia tawh kizopna pen hongkhangto semsemding hita hi. Vietnam khuapi Hanoi leh Yangon te nawkin nisim hongkipankhia taktakleh Myanmar leh Vietnamese Travellers khualzin mi tampitak ading in noptuam mahmah dinghi.
Emirates Airline pen atom in UAE akici United Arab Emirates ii khuapi Dubai ah Headquarter nei uhhi. Namgimtui ahau mahmah ahi Middle East sung aom gamte lakpan in hih Emirates Airline pen alianpen hipah a, Dubai International Airport panin kalsim in vanleng 3300 Flight lengkhiaden a, leitung muntuamtuam aom gam 78 ah vanleng tawh kizopna neiden uhhi.
Tuabek thamlo leitung ah Passenger-kilometer sau alengpen World’s third largest international carrier inzong kiciamteh a, leitungbup ah sumtam alutpen Airline nambat 7 na inzong ki ciamteh hi. ZD Sawltak #zomidaily
Comment piaknop aomleh...