Khuado hun leh Zomi Nam Ni ah banghang Zongeina phit ki mutlo theihiam?
Zomi te ading in Khuado leh Sialsawm te, Zo minam ni te in Minam thu’ Zo ngeina thu, Zo ngeina la , Zo ngeina laam namtuamtuam sak hun, lahkhiat hun, ki genhun ahihi ci leng kitam khialh loh kha ding ahihi.
Zomi tawh kipawl in nithu pi ni ineih kik kipat kik pen kum 2000 nih zawh teh kipan kikkik san ihihi. 1900 kum ma in Dawi kithoih hun in bel hun khen khat hongsuak in akikim in Zo ngeina kizang kim hun ahihi. 1900-1950 hunsung pen Zo ngeina ah neu muh ding kipat hun sung hi ding in kiseh thei hi. Banghiam cih leh Minamdang tawh kisawh hel ta i hihi.
1950-2000 dong ciang sung pen Zo ngeina akici khempeuh avek in asia ding kisa in Dawi zah in muhdah hun sung ahihi. Hih hunsung in Zo ngeina ahoih leh ahoih lo kikhen theinailo in sukmit nopna hun ahihi. 2000 khit leuleu ciang in Zo ngeina ahoihlo te nusia in ahoih te kep leh puah zuntoh hun in hong ton pih leuleu hun ahihi.
Tu in ihgen nop ah Zongeina te sungah akihel Phit thu i kigen nuam hi. Zongeina ah Phit in Music minthang mahmah khat ah kihel hiin lamtawh akituahthei Phit ahihi. Tuhun Khuado, Sialsawm leh Zomi namni te ah Zo ngeina phit laam alak kitawm mahmah ahihi. Ki omlo phialphial ahihi.
Phit la tuamtuam aom te Ei khangno te kitheilo , phit acih zong aki mungei lo zong kiom ta ahihi. Phit pen Khuado hun leh Gal aih, Sa aih hun, Zu nunhun leh Ton hun ah kimut kitum thei ahihi Phit tumdan mutdan kibang kim lo a, alazong akibang kim kei hi.
Zo ngeina te lak ah Phit late mi nautang in mut theih phit ladawng pawl khat te in.
1. Omhlai, Omhlai, mualcinsang ah omh lai! Phit
2. Simhbu in’ Builu laam e, Ciaugal kaipih zota e..Phit..
3. Laamdaak, laamdaak siam ee’ laamdak siamsiam..! cih te leh adang tuamtuam om ahihi.
Hih phitla te leh amutzia te khangno te’n kitel lo, kitheikik nawn lo, aphit ding van omlo, ahih man in’ Khuado hun leh Zominam nihun te ah ei khangthak ten akimukha lo ahihi.Ei khang hun tawh kiton in Zongeina la ahi khol lo, amal kitello awng gawp, kuveva, gawp, hawk lala gawp a Khuado hun leh Zomi nam ni ah hun ibeina te in Ngeina puah ding leh kep ding’ thuhoih aza nuam, angai nuam,Zongeina diktaktak athei nuam seino tuailai Zomi tampi pawi sim hongpaite ahun mawk bei sak ki suak ahihi.
Hau Thang
Zomi Daily
Comment piaknop aomleh...