Video: Motor Engine honsa in datsi athunkhat meikuang

Video: Motor Engine honsa in datsi athunkhat meikuang

Malaysia, Ipoh ah pasal khatin Motor Engine honsa in datsi thunkawm ahih manin, meikuang cih SAYS pan kiza hi. Tua meikat laitakpen CCTV panin Video Record kibawlkha a, Social Media ah ki thehzakpah hi.

CCTV sungah motor khat datsi thundingin Petrol Station ah lutphei hi. Motor sungpanin pasal 2 pusuakkhia in, khatpa pen Cashier Counter ah sumpia hileh kilawm hi.

Tuakhit ciangin khatpa in datsi thundingin Gas Dispenser kaikhia in, angei mahbangin datsi bungsungah thunsuk hi.

Akhatzawpa pen sumpia in apaikhit ciangin kilehkik a, alawmpa tawh datsi athunkawm in kiho hithiat uhhi. Tualaitak in thakhatthu in Petrol Nozzle leh Tank Filler meikuangzai hi.

Tua pasal 2 tezong anungah kihemkhia uh a, khatpa in datsi thunna Gas Dispenser pen kaikhia in, leilak ah lawnkhia hi.

Video: A man in Ipoh has learned the hard way that when you refuel your car, you HAVE to cut the engine first. CCTV footage recently emerged on social media of an incident at an Ipoh petrol station which could have had far more “explosive” consequences.

Ahi zongin datsi paikhialai ahih manin, leilak ah meikuang kilawhphei zaizai hi. Tua pasal 2 tezong taikhia in, Petrol Station nasem te kiangah huhna angen uh hileh kilawm hi. Station Employee te meiphelhna Fire Extinguishers tawh atunphei uhciangin meikuang pen mitsiang dekta hi.

More: Video: Datsi puakna Oil Tanker mawtawpi khatin mikhat gawikha

Hih meikatna hangin aliamngawhlua kuamah omlo uhhi. Hih meikatna pen motor datsi athunlaitak in Engine khakciplo, honsuaksa in koihkha ahih manin meikuang akipan hiding kici hi. Hihzah sangin meikuang aki lawhgawploh phadawmlai hi.

Motor datsi thunlaitak Engine mitsakding, Mobile Phone kihokawm lohding thupi mahmah hi. ZD Sawltak #zomidaily