Tulaai Leitung Thuthang Tuamtuam Updates June 8, 2016

Tulaai Leitung Thuthang Tuamtuam Updates June 8,2016
• India Prime Minister Narendra Modi US gam ongzin laaitak hi a June 8,2016 ni in US Congress ah thungenna nei in US-India kizopna akipsemsem nading adiak in Migilo te daalna lam ah kinaakzop mahmah ding thu genpi in nei hi.VOA

• Kawlgam Lasa Siam Sung Tin Par akihel mi 17 te sum Guitar Siampi Saw Buaihmu I tanu Kabia Buaihmu ( Poem Master ) in leitawi in piazo nawnlo ahihman Lasiam mi 17 lungkimlo in thuka bawlding uh ci in Media tuamtuam te ah June 8,2016 ni in so ngeingai uhhi. Kabia Buaihmu Pasal in bel theikha keng hibang ongzawnsak uh ci in FB ataangko masa te zum ah June 8,2016 ni mah in khia hi. Pi Sung Tin Par sum kawlgam Teng 1,300, khawng kihel ci in Chin World tekiang ah gen hi. Irrawaddy

• Online vanzuakna alianpeen Amazon te in India gamsung ah $3billion zeekkhai tading ci in June 8,2016 ni in Amazon Boss Jeff Bezos leh India Prime Minister Modi ten genkhia uhhi.VOA

• Egypt gam Cairo khuapi pan Sen gam Beijing khuapi lamzuan a leeng mi 135 apua EgyptAir vanleeng pi khat June 8,2016 ni Vanlaai pan atung ah Bomb om cihthu gingmawk ahihman in Uzbekistan ah thukin in kituak sak hi.CNN

• Israel gam Tel Aviv khuapi sung a om Vanzuakna phualpi sungkhat ah June 8,2016 ni in migilo thum in mi bankaap uh,a mi 3 sipah in 6 liam uhhi. Palik ten migilo te sulzuihpah uha, nih man in khat zato ah puak uhhi.BBC

• Pakistan gam Lahore khuapi a om Sangsia numei Maria Sadaqat peen nungkaal in zawhthawh thutawh a Nu le Pa in Pasal neiding in sawl a Hassan Khan akicipa tawh kiteengsak hi. Ahizong in aman lawm ngaih dangkhat nei ahihman in utlo hi. June 8,2016 ni in asisa in kimu a apumtung liamma dim in meitawh kihal sawnsawn hi. Siavuan te genna ah amah peen akisaat gawp khit ciang kihal lum ci uh ahihman in upmawhna tawh apianna Nu June 8,2016 ni in Pakistan palik ten man uhhi.BBC

• US President 2016 demding in Democratic Party pan Hillary Clinton in June 8,2016 Meetang etcianna pan gualzawhna ngah in Final kahta hi. Amah peen US gamsung ah Amasa peen Numei US President dem Final kah ongsuakta hi.VOA

LUNGDAM

Khawm Pau