ZAM Thupuak :: 14 September 2014

ZAM Thupuak
ZAM :: Zomi Association of Malaysia

DR. Mercy Man Khan Niang Hong Nusiat Dahpihna

Ih lamet loh laitakin Dr. Mercy Man Khan Niang in hong nusia cih thu ih zak ciangin amah athei mi khempeuhte lungsim hong phong kha vatlua ahih manin a nusiat a it mahmah a lawmpa Rev. Dr. Zam Khan Thang tawh kibangin ZAM zumpi panin kidah mahmah hi.

Dr. Mercy Man Khan Niang pen a veilo leh a itlo kua om ding hiam? A phawklo leh a ngailo kua om ding hiam? A diakin ZAM palaaite aa ding panin na phadiak hi. Bang hang hiam cileh Malaysia gam sungah ZAM makaihna tawh minam phattuamna ding amah tawh ma pang khawm in Term 2 sung vilvel azu ahaam nuaiah na kisem khawm hi a, gam thumna hong lensan khit hangin ama khutma leh ama khema nisimin Zumpi sungah muh ding om den lai hi. Zomi numei teng deihsakna tawh a pattahna puankhuiset leh khi khilna khau a kipan khitang zong om lai-in, a sepna maban Zomi Women Organization (ZWO) zong tuni ciang dong kizomto lai hi. Numei khat ahihangin inn nasep bek tawh nitumlo ahihna kilang mahmah hi. Mite ngaihsut khak lohZolai kum 100 cin pawipi zong Malaysia ah nasia takin hong bawl khia a,Cope Centenary Jubilee (CCJ) pawipi zong ama geelna mah tawh Malaysia gamsung mahah hong lawhcing sak hi. Tua bek hilo, mipil khat ahihman in Zolai thupisak in Zonu Tongluan laihawm zong hong pan khia in tuni ciang azuak phat pen leh mite deih pen laibu picing khat hong suakto lai hi. Mi maimai ahih lohzia kitel mahmah hi. Minam aa dingin a sep abawl tampi om a, Zomi zumpi tungah gilkial dangtaakte neek ding dawn ding anlehtui lim nono a vaihawm banah Malaysia ah a om sungin a hun manpha mawk beisak hetlo in Zomi te maban ding hong vansak in, kongkhak kikhakte hong honsak khit banah lampi ih zuih ding hong sialsak hi. Tuate azuizo ding leh a zomtozo dingin Pasian in thupha hong pia tahen ci a tha ih kipiak ding leh ih ki hehnep siam tek ding a thupi hita hi.

Hi mah hi, ei a nungta lai Zomi te’n ih hih theih khat bek om hi. Ih makaite leh ih mipil masa tengin khat khit khat in hong nusiasia ta uh hi. “Mel kimuh kik ding haibang nangak ungh” cih niloh tawh kunkun a kahkah ding hilo a, amaute nasepna maban ih zoptoh ding leh kithutuak takin kal ih suankhop ding bek hita hi. En zong hih theih kinei tek a, tua teng gawm khawmin thasial hetloin mapang khawm ding hi hang cih tawh Malaysia Zomi Kipawlna (ZAM) zumpi panin Pa kiang hong zuatsan ih it mahmah Dr. Mercy Man Khan Niang phawkna tawh mikim ki hehnemin tha ih kipia hi.

ZAM makaihna tawh September 13, nitak nai 3pm pan 5pm kikal ZAM Hall ah phawkna hun bawlna kinei hi.

Health Equity Initiative (HEI) te ZAM zumpi ah hong hawh

September 9, 2014 nitak nai 3pm pan 5pm sung Health Equity Initiative (HEI) panin Ann Nunis (Community Based Mental Health Co-ordinator),Vickneswaran (Asso-ciate Community Based Mental Health Coordinator) leh Sia Sian Pau te ZAM zumpi ah hong hawh thei uh hi.

ZAM leh HEI mailam ah abeisa kumte sang atangzaizaw a nasep khop theihna ding tampi kikum thei hi. HEI panin mipi te hamsatna teng hong dong uh hi. Kimat kihen vai ah, damlohna vai, nasepna vai leh hamsatna tuamtuam ki pulak khia thei hi. Kuala Lumpur khuapi sung veng tuamtuam a om Zomi te kiangah zong hawh dingin geelna kinei a, a hun zui-in hong ki zasak ding hi.

2014 Kum Malaysia a om Zomi bupin tatsatlo thunget khopna ding

Zomi khempuh tungah Topa kiangpan hong pai damna, nopna, daihna leh mavan nate athakin hong tung tahen. Ei Zomi te in nung kumin minam bupin tatsatlo kha khat sung ih thungetna Topan hong dawngin UNHCR min sanna thak zong hong ompah cih ihmu a, tuabeklo in Topa ompihna tampi ihmu toto hi. Tua hi a, mimal mahmah in kilunglut mahmah ahihna ihmuh ciangin tha ih ngah mahmah hi. Tua hi a, anuai a ih hungeelna bangin tukum tatsatlo ih thunget na zom kikta ding ih hih manin ih omna ciat panin hanciamin kiniam khiatin Pasian maizong ni ci-in kong hanthawn uhhi. Tukal sung hong suaklo tengin no thunget nop hun leh naizah ding nong zaksak nangun zong Pawlpi makai sia/ upa te tungah ih kizasak pah hi.

Lungdamkoh Ding:

Zomi te Kawlgam, Zogam pan gam dang hongtun Topa tung lungdam kohna!
Zomi te Muslim gamah suakta takin ih Pasian ih biak theihna ding biakinn tampi hong piak lungdam kohna!
Zomi te migam milei ah ih kivanna ding Zozumpi hong piak lungdam kohna!
Zomi te mi gam mi lei ah tu ciangciang hong cing hong kem Pasian tungah lungdam kohna!
Zomi te Minam makai leh kamphente hong piak lungdam kohna!
Nung kum Zomi bup thungetna Topa’n hong dawngin UN minsanna hong piakna!
UN DPI/NGO ciang dongah Zomi te ciaptehna ngah bekthamlo in meeting nangawnah kihel theihna!

Thunget Ding:

Malaysia a om Zomi te cidam ngiatna ding!
Malaysia a om Zomi te UNHCR ciaptehna min sanna thak hong om kik baihna ding!
Malaysia a om Zomi damlote a ding!
Malaysia a om Zomi thongkiate a ding!
Malaysia a om Zomi UNHCR ciaptehna ngah khinsate aman langin gam thumna tun theihna ding!
Malaysia gam sung a om UN minsanna ngahsa te zumvai buaina omlohna ding!
Malaysia Zomi zumpi ZAM a minam a ding nasem palaite cidamna ding!
Malaysia a om Zomi te innkuan sung, nupa kikal buaina om nawtlohna ding!
Malaysia a om Zomi te minam vai buaina tuam-tuamin hong nawkkhak lohna ding!
Malaysia a om Zomi te mi gilote tawh hong ki pelhsakna ding!
Malaysia a om Zomi nasep neilo te nasep hoih neihna ding!
Malaysia a om Zomi te taksa, kha cidamna ding!
Malaysia inntek kumpi leh mipi kikal daihna a omna ding!
Malaysia gam khangto semsem in gam dang nasem tampi a sapzawh semsem nang!
Malaysia a om UNHCR kivai puakna tuamtuam nuai nasem uliante leh vaipuakna tuamtuam a kamlette ading!
Malaysia a om Zomi makaih na pawlpi khempeuh ading!
UNHCR zumpi sung thu vaihawm uliante leh sum leh pai tawh ma apang gamdang mihau, kipawlna tuamtuamte a ding!
Kawlgam ki ukna maan ih neih theihna ding leh khantohna ding!
Zogam cidamna ding leh khantohna ding!
Zogam khantohna ding leh vaihawm hausa, veng makai, sangsiate a ding!
Zogam khuapi tuamtuam sung a om zatopi leh sikhan (clinic) tuamtuam a sem siavuan, siamate a ding!
Zogam a ih nusiat ih Nu, ih Pa leh ih Sanggamte a ding!
Zomi te ih tun tuna gamah lungdamna thugente ih hih den nang!
Leitungbup mun tuamtuam a om Zomi te ading!
Leitungbup Zomi te sungah kha khanlawhna thak hong omna ding!

Kal khat sung Zomi Pawlpi te thunget hun ding anuai a bangin kiseh hi

ZOMI LEAGUE September 7, 2014 Results pulakna

ZOMI LEAGUE 2014 maikal September 21 ni kilawmtatna kimawl ding pawlpite

Visa 93 ngakte ading Interview Date – 01 October 2014

US Embassy, Kuala Lumpur panin Visa 93 Case tawh kisai Interview Date hong piakik leuleu uhhi. Tuapen hongtungding01 October 2014hi a, tuni nikhatbup pen Visa 93 tawh kisai khempeuh Interview hongbawl ngekngek ding uhhi. Tua hi a, Visa 93 tawh sapding a ngak khempeuh in kong panpihding uh akisap leh ZAM zumah nong zaksak nading un Interview Date kong zasaksawn uhhi.

Tukal Palaai te buaipih diak teng

Khai Lian Pau (Mualpi) 11 September ni-in UKM zatopi ah ki buaipih.
Ciang Hon (Singgial) 11 September ni-in Tzu Chi ah ki buaipih.
Cing Sian Lian (Keizang) 6 September ni-in Klang zato ah ki buaipih
Thang Sian Khual (Zozaang) 10 September ni-in ACTS zato ah ki buaipih.
Muan Pu (Keizang) 12 September ni-in Sungaiway ah palik lai lakpih.
Pau Biak Siam (Suangzang) leh Pau Boih te (Kaptel) Jinjang lock-up ah ki buaipih.
Mung Sian Khai (Cikha) Dangwangi lock-up ah ki buaipih.
Lam Deih Cin Thang (Kansau) Jinjang lockup ah ki buaipih.
Kap Suan Cin (Buan) Dangwangi palik zum ah ki buaipih.
Ngin Khen Kap (Keizang) Dangwangi palik zum ah ki buaipih.
Do Za Khual (Pyidawtha), Thang Suan Muang (Tuithang) leh Nang Khan Khawm (Pyidawtha) Danwangi palik zum ah ki buaipih.
Hung Lam Cing (Thangsan) Kajang thongah ki buaipih.
Cing Khat Lian (Zampi) Johor Bahru thongah ki buaipih.
Nang Za Mung (Selbung) Lengeng campah ki buaipih.
Ipoh, Langkap camp a om Zomi 16 teng UNHCR-OPI ah report kipiak sak.

Ki honkhia thei

John Thangpi (Thalmual), Khup Sian Kham (Tedim), Suan Sian Thang (Tauleng), Kap Deih Mung (Ngalbual) te Dangwangi palik zum panin ki honkhia thei hi.

Australia pan laikhak ngah ding om

Sian Khan Khai 3. Nang Kap Mung
Thawng Khan Lian Khai 4. David Mung

RSC leh DHS panin Contact ki ngahzolo pawlkhat om leuleu

MY-No. UNHCR Ref.
214071 354-10C06095
214079 354-09C07695
214145 354-10C00534
215128 354-14C00976
205992 791-10C07425
206014 791-10C07445
214209 354-10C05682
213632 354-09C08215
213986 512-05C00286
213991 512-04C02467
214003 512-05C01421
214461 354-09C07801
117282 354-07C03636
213542 512-06C00165
MY-No. UNHCR Ref.
214405 354-09C04789
214466 354-09C06622
213417 354-10C06212
214300 791-09C11999
214333 354-07C04280
212625 791-10C04138
213668 791-09C03758
214420 354-09C05696
214584 354-09C06231
215254 354-13C14885
204838 791-10C01588
214616 354-09C06890
354-13C00186
129602 791-09C17520
MY-No. UNHCR Ref.
215230 791-09C17181
215199 354-12C04516
215545 354-09C03358
117546 354-06C01949
205509 354-09C05076
206894 791-10C01979
210367 512-04C00859
213295 354-09C03990
213554 512-05C01243
209108 512-04C02329
204678 791-09C15937
791-09C08937
213707 354-09C05316
213503 512-03C00685
MY-No. UNHCR Ref.
213559 512-05C00447
129602 791-09C17520
214165 354-09C03550
213193 512-04C01418
213863 354-13C09035
209008 791-09C12520
213165 512-03C00501
213232 354-10C05385
214364 354-14C01755
215137 354-09C03118
791-09C16690
Hih atung ateng lakah na kihel khak leh ZAM zumpi ah hong zasak pah in.

KHUADO pawipi bawlna ding mapan khopna apiasa teng

Khua kipawlna pan:

Anlangh RM200
Buan RM100
Buanli RM100
Chiantagyi RM100
Cikha RM100
Cingpikot RM100
Dimlo RM100
Haiciin RM100
Haupi RM100
Heilei RM200
Kansau RM100
Kaptel RM200
Keltal RM100
Laaitui RM200
Langzang RM100
Lailui RM200
Lamzang RM100
Lingthuk RM100
Luangel RM100
Lunmual RM100
Mualbeem RM200
Mualnuam RM100
Mualzang RM100
Muizawl RM100
Ngalbual RM100
Ngalzang RM100
Pangsak RM100
Pangzang RM100
Phaiza RM200
Phunom RM100
Pimpih RM100
Sezaang RM200
Singunau RM100
Suanghoih RM200
Suangphei RM100
Suangsang RM100
Taakkhawl RM100
Taaklam RM100
Thalmual RM200
Thangsan RM100
Theizang RM100
Tongsial RM100
Tualzang RM100
Tuikiang RM100
Tuimang RM100
Tuimui RM100
Tuipi RM200
Tuisau RM100
Tuithang RM200
Tuizang RM100
Vongmual RM100
Zampi RM100

Biakna Pawlpi pan:

Christ Mission Fellowship RM200
Evangelical Baptist Church RM200
Malaysia Laipian Pasian Pawlpi RM200
Manaa Zomi Christian Church RM200
Rawang Zomi Innkuan RM200
Shalom Christian Fellowship RM200
Zion United Pentecostal Church RM200
Zomi Adventist Church RM200
Zomi Catholic Community Malaysia RM200
Zomi Christian Assembly RM200
Zomi Christian Fellowship-Canaan RM200
Zomi Christian Fellowship-Kajang RM200
Zomi Christian Fellowship-Kota Damansara RM200
Zomi Ebenezer Malaysia RM200

Zomi OWNTUNE ah sapna

ZCF Canaan Khangnote makaihna tawh a (3) veinaZOMI OWNTUNE ki demna 16 September, 2014 ni-in Chinese Assembly Hall ah nopci takin kibawl ding hi. Sun 12:00pm in kipan lian ding ahih manin Zomi a kua mahpeuh in tha nong piak ciatna dingun Zeisu min tawh kong zawn uh hi.
By ZCF Canaan Khangno

Atheikha na om uh leh hehpihna tawh hong zasak un

Thang Khua Suan (Tuilangh) khuami Tamu a teng pen Kawlgam panin hong tungthak hi-in Penang panin May 30, 2014 ni-in Palik te’n manin a puakna thong laih kawikawi ahih manin tu laitak a omna mun kithei zonawnlo ahih manin thong pan a hong suakta ten na theih khak zenzen uh leh hehpihna tawh a sanggampa Nang Lian Mang 016 321 3709 tungah hong zasak un. Lungdam.

Mydin sunga phone zuakte neh ken

Zomi tampi in Mydin sunga phone zuakte khem tuak khin uh a, ih kidop kei leh tampi in tuak toto lai ding hi hang. Tua kiim ah navak ciangin phone zuakte’n hongsap uh a, khut hongvan ding uh hi. Napai lian a leh na numbat hong ngen ding uh a, na sum, na phone leh na vanneih a deih huai teng khempeuh hong laksak ding uh hi. Heh na sawm hangin phone sai nei teng leh a kiim a om teng nang lam hong pang kuamah omlo ding uh hi. Tua ahih manin Mydin kiim navak ciangin kidawm mahmah in. Tampi in khem tuak khin uh hi.

Zomi Idol a kihel dingte theih ding

Zomi Idol a kihel ding min piasa khempeuh in September 20 ni ZAM zumah nai 12:30pm in kimuh khopna kinei ding hi. Min sazian pia khempeuh kihel kimloh phamawh hi.

ZAM Card tawi Zomi te ading nasep

UNHCR-EST nasep zonsakna panin KLIA2 ansai a sem ding numei pau tawmtawm ciang a thei numei 10 kinawh deih mahmah hi. Man leh hen UN in tavuanla ding hi. Khasum RM1500/ ciang ngah thei.
UNHCR-EST nasep zonsakna mah panin Johor Bahru KFC leh Kuantan KFC sai a sem dingin Zomi citak mi kideih behlai hi. Alunglut khempeuh ZAM zumpi ah na min sazian uh hong piapia un. Alunglutte kizopna ding: Mangpu 019 510 6413

Lungdam kohna

Paan Khup (Sakollam) in tukal Thupuak ading RM50 hongpia leuleu ahih manin ki lungdam mahmah hi.
Gamsung gampua leitung muntuamtuam pan ZAM nasepna te tha napiak nopleh lungdam takin hongkisang ding hi.

September 16 ni UNHCR & ZAM kikhaklo ding a RSC & DHS zumte kikhak ding hi.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…