Tulaai Leitung Thuthang tuamtuam te Updates (Sep 11)
Alauhuai mahmah Hurricane Irma
Leitungbup phial in alaumahmah Hurricane Irma kici huihpi leh guahpi in Caribbean tuigulh dungto nasiatak in ongnawkto a Caribbean dung ah mi-39 si in Cuba ah mi-10 si hi. US gam Florida state taw lam zong nasiatak in nawka, Zomi te ithungetna Pasian in ongdawng ahihman in Zomi te tamteennamun lam tamnawk lualo ban ah Aliam abai huaisia kizalo hi.
Ahizong in kaamsiatna tawh Jacksonville Khuapi a teeng Pa Lam Cin te Inn Singkung in denpeeksak in a Inn phel langkhat zan a mi bangmah cilo hi. Hih Huihpi hang in Florida State bup ah 6.5% in mei ngahlo a,Maiami Khuapi sung ah 72% in mei ngahlo uhhi. US TODAYS NEWS
North Korea in Gawtna thuakbehding
North Korea in UN thukhunte palsat in Nuclear asinzelna hang in Asum le paai ngahna kongvang uh hucipsakding cih hoihsa maw hoihsalo UN Security Council in September 11,2017 nikaailam ah Vote khiatading uhhi. China leh India in apumgupzeel keileh tutung a gawtna peen khauhmahmahding in ageel uh ahihi. US in UN ah phultoto in North Korea gawtna khat ongnaaknaak leh US te thaman cihtaaksimsim kalottoding uhhi ci in September 11,2017 ni in Statement bawl uhhi. BBC NEWS
Somalia galkaap 20 si
Somalia gam Beled Hawo Khuapi Momday September 11,2017 ni in al-shabab Migilo te in nabuluh uha, Khuapi cing Somalia paltan tetawh nasiatak in akikaap khit uhciang Somlia Paltan mi 20 kiim in nuntaakna beilawh uhhi ci in Somallia kumpi thuneite in genkhia uhhi.BBC NEWS
Pi Suut Cing In Zomi te Mainul in ongzangpak
Ongtungding September 12 a kipanding UN Assembly Khawmpi ah Kawlgam te in Rakhaing buaina ah Rpohingya minam abeinading alom alom a thahlupna nei hi ci in UN leh Leitung Muslim gam te in ummawh in UN Assembly ah Daw Aung San Suu Kyi nasiatak in dongding kaapding ci in Keeksa in aomlaai tak in un Pi Suut CIng in Kawlngian zangziau in Kei kapai mankei ding keitaang in Vice President-2 Henry Vanthio kapaisakding ci kivat hi.Tun UN ah Rohingya kick vaai Pu Van Thio let Pu Hau Do Suan in ngapngap a dawngding hita hi. VOA BURMESE NEWS
Related: 2017 kum Tax Return tawh kisai theihding thu ~ Khawm Pau
Mi-8 Kikaplum
US gam Texas State Plano khua sung inn khat ah Tukpeengsui en a tukhawm a gualnuammahmah mi-9 te September 10,2017 zankim pawl in Pasal khat thau honkhattawh luut a bankaap ahihman in mi-9 lakpan 8 sipah in khat zato kipuak hi. Mikappa peen tua mi-9 te lak ah Azilui zong kihel a Azilui inn zonghipah ci in palik ten gen uhhh.FOX NEWS Lungdam, Thang Khawm Pau
Comment piaknop aomleh...