Ganhing nagawn in ata note nusialo ~ Nang Khan Pau

Ganhing nagawn in ata note nusialo ~ Nang Khan Pau

Leitung nutakna nei khempeuh apiangsak I biak Pasain in mihing abawl in, ama lim leh mel sunbek hilo in ahu ong mopte I hih mah bang in, nuntakna anei singkung lopa ganhingte sang azahtampi tak in asangzawding a ong bawl ahihi.

Atunga thulu mahbang in ganhing nangawn in atate nusialo cihbek hilo in sihpih ngam lai uhhi. Mihing te Ganhing sang abangkim in sang zawtham hi, gentehna in, khuamuhna, Ngaihsutna,Pilna,Siamna leh theihtheina te ahihi. Leitung khuahun hang maw I nuntak zia agitnatlo hangmaw ahih kei leh ganhingte sang in I nuntakna I niamsek hangmaw tuhun teh Nu leh Pa pawlkhat ten asung apiang atate sihpih ngam/ nuntakpih ngam cih thadah taisan in anusia kitam mahmah ta hi.

Ei Malaysia pen minam dangte zah zong aphazolo a ci tawm mahmah I hih kawmkal in, mi simmawh ding leh mi neumuh ding in I om khak lohding thupi mahmah ding hi. Malaysia ah Zomi tulsawm val I om hang mi tawh tehna kitawm mahmah lai hi napi’n nu leh pa ten I ta te nusia in atai san ki tam mahmah bilbel hi.

Hih tawh kisai in nu leh pa khempeuh in I lung ngaih hun ong tung ta hi eipen ganhing te sang nuntak khuasak zia theina, cimna, pilna nei I hih hang Ganhing te sang I nuntak/ igamtat zia atualniam ki tam mahmah hi.

Zi leh tate nusia/Pasal leh Tate nusia in taisan cih thu limlim pen mihing vai hetlo in Ganhing te itna neih zah zong a nei zolo mihing te ki hi ta zen hi. Nu te aw, Pa te aw bang in ei/nang hibang in tate nusia ding /ataisan ding in bang in ong tuasawn ahiam? Na zi agitnatlo hang maw? Na Pasal agitnat lo hang maw ahih kei leh midang te na zi na pasal sang asaim zawk hang maw? Natheihlo kal in na tate tagah na higige ahihlam phawk in. Nu leh Pa damlai napi’n tate tagah suak khin hi.

Thu khupna: Ganhing te etteh kik ni, mailam ah I minamsung ah adiakdiak in Malaysia ah tate nusia Nu le Pa atawm theih na ding in I minam bup in I hanciam kul ding hi. Nupa ten nasepna ah semkhawm hamtang ni, I zi I pasal tawh muntuam tuak ah kikhen in na sem kei ni. Ze et na tam mahmah ahih man in ki dawm ding hi hang.

Nu leh Pa te aw I zi I pasalte tung lo ngal kuamah iplah se kei ni, midangte I zi I pasal te sang siam zaw mah un the zong nopci zaw thei mah un the ahih zong lunghian sawm het kei ni. Kei ka lung hiang mawk leh ka tate tagah suakmawklo ding a hiam cih phawk gige ni. Nang Khan Pau