Vantung Nawizu (Heaven’s milk) ~ Dim Lun Zam

Vantung Nawizu (Heaven’s milk) ~ Dim Lun Zam

“Hih leitungah i pian khiat ni a ki pan in, lunggulhna khat neisa in aki piang hi. Tua i lunggulh pen nawizu hi.” Siapa’n aci hi. Naungek khat beekin nawizu pen alimna bangci dan cih athei sa/ amu ngei sa in hongpiang khia lo hi. Kua mah in nu gilsung pan na pusuah khiat uh teh na dawn dinguh nawizu om hi cih theih sak kholhna zong omlo napi in, tua nawizu lunggulh theihna khat tawh ki piang khia hi.

I pian khiat khit ciangin, nawizu na om takpi ngeii hi. I sunga i lunggulh tentan khat pen ana om takpi khat na hi mawk hi. Tua nawizu pen i nu te ang a aomana hihi. Tua hi a, “nu/ mother” cih kammal koi pan i ngah hi na ci a leh”

“Ngaihsun kha ngei het kei si ingh.” “Nu/ mother’ cih kammal pen naungek te phuah ai ve. Leitung bup a om naungekte akah uh ciangin Mamma, mom, ammmama, mai, mata, ma’ ci uh hi.” Hih kammal pen nawiduh na pan a hong piang masa kammal hi. Hih kammal in i lunggulhna pen aom takpi ahih na teti a pang hi.”

“A hi zongin, hih pen naungek te thu hi kei …” “Hi kei mah” “Hun khat teh nawizu i lunggulhna hong kheng in, i lungtang sungah hih leitung in hong piakzawh ngeiloh dinglunggulhna, anduh gilkial bang ihih na, athuthuk zaw khat ki nei leuleu hi.” Eite in akicingzaw khat ki lunggulh, a hemlo itna ki lunggulh lua, akicing, pauban na omlo lungnopna, daihna, lungkim theihna cihte a ki lunggulh ahihi.”

I ut leh i deih taktak pen kuamah in ong lungkiasak lo, ciampel lo, teek leh guaina omlo cih te. Eite lunggulh pen tawntung leh kicin na hi. Tuate pen leitung in hong pia thei peuhmahlo hi. A hi zongin tua lunggulhna pen i nuntak hunsung khempeuh a ki nei paisuakding hi. I lunggulh na bek mah hi a, a taktak i ciam nai kei hi. I lunggulhna in tua te om ahih lam teti pang hi.”

“Nawizu mu nailo a i lunggulh pen ana om takpi mah bang a, ki cinna cih zong ana om gige khat hi ve.”

“Hi lua hi. Eite in akicing itna, tawntung cih te i lunggulh mah bangin a na om takpi hi pah mah. Tua ‘ Tawntung’ cih pen i sungah hong ki guan sak ahih man in, Amah ki zong in ki mu nuam hi mawk hi.”

“Tua ahih man in, i ngek lai in muh ngeinailoh nawizu i lunggulh a, a na om takpi mah bangin, kicin na leh tawntung i cihte zong mu lo pi mah in i lunggulh theihna pen vantung hi, vantung om hi cih pen atakpi hi cihna ahi. ”

“Hi lua hi” Eite in i lungsungah i lunggulh pi pen in, VANTUNG NAWIZU a om/hih lam teti pang hi.”

The mission: I lungtang i, ki sap pen leh lunggulh pen in bang ahi hiam? Amah tawh kizom in. Ama kiangah na lunggulhna paipih in la, va kidim ta in. Ecclesistes 3:11; Romans 8: 22_23; Phillipians 4: 6_9 Jonathan Cahn’s day 48 Dim Lun Zam