Tulaai Leitung Thuthang tuamtuam te October 11,2016

#October 4 nipan kipan Hurricane huihpi leh guahpi hang in Caribean gam teng ah misi 400-1,000 pha a US gam sung ah tuni ciangciang mi-22 sikhinta in North Carolina State bang ah khua pawlkhat tui in tuum ahihman in inn tungkhumzaang ah kahto uha, kumpi thunei ten Vanleeng tawh honkhia uhhi. BBC

#US Preaident dem Donald Trump in 2005 Numei te sim mawhna kam apau sim khuankhuan a Video ongkilah khiat ciang Trump mee piaksawm mitampi tak lungkia in akhawl kawm kaal ah October 8,2016 Ni Saint Louis Khuapi a om Washington University ah akidempih Clinton tawh kamkinial na nei uha, Lelhpi in lel ahihman in agending thei nawnlo in thudong te peuh guptuamnei ci in mawksak Kumpi kangah leh Clinton aw thong ah kongkhum ding peuh naupang bang cigawpgawp ahihman in Kumpi ding kicinglo ahihna mikim mu Mee tang kiam hethet hi. Tua bek hilo Republican Party lah ahi Lower House Speaker zong ahi Paul Rant bang in hih mi am paupau pa lam ah kapangzo nawnkei ding ci in October 10,2016 ni in sianggen maita hi. Pawlkhat in akhawl maiding ngen uh a, amah bel katawpsawm nakei ci bilbel hi. Pi Clinton in October 10,2016 Ni Mee tang zong in avaakna ah Zanni a kam kinial te na mu uhhia? Tuadan leitung pianzawh namu nai uhhiam ci in ciamnuih nasiatak in bawlsan hi.

Ongtungding October 19 niciang khat vei kitalsik leuleu ding uha, November 8,2016 niciang Kumpi kiteel ta ding hi.NBC

#Samsung Galexy Note#7 azangkheem peuh in tu mahmah in off unla zangnawn kei un lauhuai lua hi ci in Company ten October 11,2016 ni in taaangkokhia uhhi. Zomi sung ah azangkha i om leh theipah ni . CNN

#Sen gam nisuahna lam Zhenjiang ah Inn dawl 4 khat October 11,2016 Ni in kicim a mi-22 si in tampi liam uhhi. Hih inn peen 1970 kumpek a kilam ahihman in luilua hiding ci in lam en uhhi.CNN

# 1999 Kumpan US kumpi in Kawlgam Gaalkaap Mihau pawlkhat akhaktan uh Nung Pi Suut Cing ongpai doidoi lai in huau suausuau hiven cin kaphel khiata ci in President Obama October 7,2016 ni in suaikaai hi. Pu Than Swe leh Vice President Myint Swe zong kihel uhhi.

Khawm Pau