Tuithang khua Cope Topa laibusal vai ~ Khawm Lian Sang

Tuithang khua Cope Topa laibusal vai

Tuithang vontawite ih omna ciat pan a damkim dingin kilamen hang.

Zomi Siamsin Kipawlna., Mandalay te’ vaihawmna tawh Cope Library pen Zogam sung khua khat ah phut ding; khua tuamtuam kipawlna tuamtuam in ngen (apply) thei hi, cihna tawh kizui in khua tuamtuam pan kingen ciat a, ei khua in angtan huai takin ngah hi.

Laibusal inn lam nadingin Siamsin pan sangg (lakh) K. 20 tawh hong panpih uh a, buiding tawh kisai pen AG pawlpi in vaipuak la uhi. Tu in inn lamna kizo ta a, April kha kawl tuibuah pawi sungin siamsinte hong pai thei ding uh a honpawi zong kinei ding hi.

Tua ahihmanin laibusal adingin a kisam van le nate ahi, bizu, tutphah, dawhkan/sabuai, laibu nam tuamtuam tampi i neih kul ding a, gamsung gampua tuipi gal khat aa om sanggamte a kuamah ciat in mapang ciat ding hihang. Zogam ah muanpen khua aa hong kipia ahih mah bangin muan’ i bat kul ding hi. Ei gensim in lawm te’n hong haza gige hi.

Tua ahihmanin laibusal konghon pawi ma, April kha kal masa sung bang i neih kim zawh nadingin mun tuamtuam aa om khua kipawlna innkuan ciat pan i innkuan vai kul ding ahihmanin a hun zui in Rev. Thang Khan Do, chairman Cope Library Committee le Secretary tawh ahizongin kithuza kik ni.

Thu kicing in attach file ah,

Lungdam
Tg. Khawm Lian Sang
Secretary, Cope Library Committee