Malaysia gamsunga Operasi aomciang abuaimahmah RELA te naitha kikhansak
Malaysia gamsung ah Prime Minister asemlaitak ahi Datuk Seri Najib Tun Razak in RELA te nitha, naitha khangsakding ci’n tuni Saturday (March 10) ni in genkhia cih Bernama pan kiza hi. RELA akici tepen Manglai in “People’s Volunteer Corps” kici a, Myanmar gamsung ah nidangin pituhsit ihcih tetawh kibang khading hi.
Abeisa in Operasi ihcih kimat kihen aom ciangin Police leh Immigration te ahuhding in RELA te kizangden hamtang a, RELA tepen gilo phangphang mahmah uh ahih manin, aki kihta mahmah ahihi.
Hih RELA te ii kum 46 cinpawi “Rela’s 46th anniversary celebration” pen tuni in Taman Ekspo Pertanian Malaysia Serdang (Maeps) ah akibawl ahihi.
RELA asem veve te lakah Volunteer leh Officer cih namnih in kikhen uh a, abeisa in nitha naitha “Allowance” zong kibangsaklo uhhi. Tua RELA asem khempeuh Malaysia kumpi in naitha RM2 ta khansakding ci’n kumpi thunei Prime Minister Najib in genkhia hi.
Volunteer RELA tepen abeisa in naikhat RM6 apiak uh hi a, tu’n naikhat RM8 ah khantoding cihi. Officer RELA tepen abeisa in naikhat RM7.80 akipia hi a, tu’n naikhat RM9.80 ah khantoding cihi.
Video: Higher allowances for Rela members, officers
RELA te ii naitha aki khansak nunungpen 2012 kumpek hita hi. Tuakum akipan RELA Volunteer te ii naitha pen RM4 panin RM6 ah ki khansak in, RELA Officer te ii naitha pen RM5.80 panin RM7.80 ah aki khansak ahihi. Tuazawh tukum 2018 kumciangin khatvei naitha kikhan leuleu a, RM2 ta aki khansak ahihi.
Malaysia gambup ah RELA Volunteer leh Officer akigawm in mi 3.05 Million bang omding ci a, tuakhempeuh in nitha kikhanto ahih manin noptuamna angahding uh ahihi. Hih RELA tepen gamsung bitnading “National Security” akisapna bangbang ah asemte ahih manin, tua RELA te ii cihtakna te pahtawina in nitha akikhan cihi.
Naitha akikhan banah hih RELA te ii zatding Digital Uniform Budget zong abeisa in RM100 Million akisehsa himahleh RM120 Million zattheihding in Prime Minister Najib in tuni in genkhia hi.
More: Malaysia gambup ah inn asangpen dawl 106 aphading khat maikum sungah kizoding
Malaysia gamsung ah gamuk makai kiteelpi 14th General Election (GE14) zong asawtlo in hong tungkikding hita a, azenzen in Barisan Nasional te’n angahkik leh adang hamphatna zong ki behlap totolaiding cih Prime Minister Najib in hemgenpian (hinted) kici hi. Sawltak #zomidaily
Comment piaknop aomleh...