New York meikatna hangin naupang 7 si, 2 gimmahmah

New York meikatna hangin naupang 7 si, 2 gimmahmah

New York, Brooklyn khuasung meikatna hangin naupang 7 in sihlawh a, adang naupang 2 tezong gimmahmah uh cih Fox News in dendiak mahin tangkokhia uhhi.

New York Fire Department spokesman Jim Long ii genkhiatna ah naupang 2 bel lam et tawmmahmah cihi. Tuaban ah asi naupang tezong kum 5 leh kum 15 kikal vive hi a, innkuan khatsung pan hiding inzong ki lemen cihi.

“Naupang nihte pen meikatna panin aki puakkhiat ciangin naknawnlo hi. Firefighters te’n tal tawh zawngkhia uh a, zato lam zuakpih uhhi ci’n agei ah amukha Volunteer khatin New York Post te kiangah genkhia hi.

Meiphelh Firefighters te kiangah zingsang 12:23 hunpawl in phone kisam a, Bedford Avenue ah Private Home khat meikang hi ci’n ki zasak hi.

Firefighters bekbek 100 val in delhpah, phelhpah ziahziah uh a, asawtlo in meikuang pen sumitzo uhhi. Banghang in meikang hiam cihpen ki genkhia nailo hi.

Spokesman Jim Long ii genna ah City Fire Marchal’s Office panin meikatna ahang kankhiading uh a, hongki tangko khiading cih kiza hi. ZD Sawltak