Tuithang gam “Thakpi” Taangthu ~ Lengtong Pauno

Tuithang gam “Thakpi” Taangthu ~ Lengtong Pauno

Taangthu ahihmah bangin gendan atuamtuamzong om hi. Hihpen kum 8.mi kahih lai a ka pian’na kapa honggen ahi hi.

Tuithangkhua pan Tedimlam manawhin pai lehang, Meiteigun tuahsuk nading Phillui tunga mualvumno khatpen, Thakpivum kici a, tua mualvum pan phillui luangdong keenpen, Thakpikeen kici hi. Tua mualvumpan guntuiluang dongpen Thakpikuam kici a, khamlo kikhotezong Thakpilo kicipah hi.

Nidanglai inah, Tuilangkhua leh Lailokhua kikaalah Khuangnungkhua om a, Pu Laangza in hausa sem hi.

Pu Laangzazi pen siahpuak a apai mite’ tungah kiliansak mahmah hi, ci hi. Nikhatni in siahpuak a apaiding mikhatin Pu Laangzazi’ nekdingin, zuha alimmahmah phelkhat phuisam dikdekin tuunin puak hi.

Pu Laangzazi in tua zuhaphel anek khitciangin, apasal deihkhopzo nawnlo zahdongin anaa thah zatamin thakgawp cimawk hi.

Apasal uknagam sungah zanggolpen leh asaupen zongsak a Hen Hong akicipa khat mu hi. Pu Laangza khualzin gamvak peuh leh tua Hen Hong tawh sum bang tuahden uh hi.

Pu Laangza in tua Hen Hong pen kulh pualam ah hawlkhia a, kulhkong kalhsakin cingsak hi. Ahizongin kulhvang panin, asung leh apua ah naki vattheiveve ahihmanin, Pu Laangza in Hen Hong satgawpsak a khuanawl ah paaisak hi.

More: Yangon ah Zomi tangval khat kithat (Tg. Kam Gin Mung, Tuithang)

Azi in na khoidam simkik veve a, gungal Tuithang gamsungah zawltai pih hi. Tua ahihmanin Hen Hong leh Pu Laangzazi giahkhopna kuam buppi pen, tuni dongin Thakpikuam kici hi.

True story khat ahi hi.
Ka lungdam, Munkhai’pa