Malaysia, Penang sung aom Plastic Factory khat meikanggawp

Malaysia, Penang sung aom Plastic Factory khat meikanggawp

Malaysia, Penang State sung aom Plastic Factory khat meikanggawp in meiphelh te’n nai 6 sungbang aphelh ngekngek khitciangin phelhsiangzopan cih NST pan kiza hi. Penang, Taman Pelangi sung aom Plastic bawlna Factory khat zanni zingsangin mei akanggawp ahihi.

Prai Fire and Rescue Department te genkhiatna ah zingsang 11am hunpawl in patau meikang om ci’n hongki zasak cihi. Meikatna pen Plastic Factory sung aom Building khat akang masa hi a, tuapan in meikuang khauhlua ahih manin ageinai aom Building adang nihzong lawhphei cihi.

Penang sung aom Fire Station tuamtuam panin Firefighters akigawm in mi 57 te’n aphual ah meiphelhding in delhpah uh a, ahi zongin meikuang nasialua ahih manin nai 6 sungbang buaipih mahmah uhhi.

Nitaklam 4:20pm hunciang in meikuang teng phelhsiang theipan uh a, hih meikatna hangin mihing asi aliam kuamah omlo cibilbel hi.

Video: Factories in Juru ablaze for hours

Meikatna ahangzong ki theicianlo ahih manin, Forensic Team te’n hoihtak kankhiatding mawhpuak nei uhhi ci’n Spoperson khatin Statement ah genkhia hi.

TheStar te genkhiatna ah hih Plastic Factory sungah meikang Building akigawm in 5 tak ci uh a, avekin 80% bang kangtumgawp cihi. Hih meikang pen huaisia mahmah a, Penang State sungah meikang ahuaisiapen hiding ci’n kiciamteh hi.

Related: Penang ah Condo khat meikanggawp in asungah a awkcip mi 6 te ahunlap in ki honkhiathei

Meikat laitak pen State Publice Holiday tawh kituak ahih manin nasem kuamah omlo a, mihing asi aliam zong kuamah omlopah hi. Zandiak mahmah inzong Penang sung aom Condo khatmah meikanggawp hi. Sawltak #zomidaily