Malaysia, Penang ah Police Officer khatin temtawi pasalkhat kaplum

Malaysia, Penang ah Police Officer khatin temtawi pasalkhat kaplum

Malaysia, Penang State sungah pasal khatin Police khat temta tawh viksawm, vatsawm ahih manin thautawh kaplup thuak cih theStar pan kiza hi. Penang, George Town aom Komtar khuasung ah zanni Friday (Nov 23) ni in thupiang ahihi.

Hihvai tawh kisai in palik thunei ahi George Town OCPD Asst Comm Che Zaimani Che Awang in agenkhiatna ah Police Officer khatpen Komtar Police Pondok (Police Beat Base) ah Duty ading hi a, pasalkhat in atemta khiasuk nuamlo in kipeipei ahih manin thautawh akaplup hi ci’n genkhia hi.

Tuapa ii atemtawi pen letmat 7 bang asaukhat hi a, Police Officer in tamveipi natemta khiasuk in ci’n Warning apiakpiak hangin khiasuk nuamlo hi. Tuaban ah tua Police Officer papen temtawh buansawm ahih manin anunung ah Police Officer in thau zangin akaplum kici hi.

Athu akigenna ah tua temtawipa leh adang mikhat akibuan uh hi a, tua mikibuan te akikhentheih nadingin Police Officer in ahanciam kici hi. Nitaklam 3pm hunpawl in buaina apiang hi a, akibuan te akhensawm kawmkal ah temtawipa in Police Officer papen atemtawh satsawm ahih manin kaplup athuak ahihi.

More: Malaysia, Ipoh ah palik khat thautawh alu pan kikaplum

Tua kaplup athuakpa pen Selangor, Klang vengsungpan hi a, abeisa inzong Narcotics & Criminal Cases 15 veibang buaina aneingei khinkhat kici hi. Kaplup athuakpa pen kum 41 aphakhin khat kici a, temta tawh adawtsawm ciangin Police Officer in amahleh amah aki dalna “Self-defence” in thautawh akaplup ahihi. Malaysian Police tezong akapnop uhciangin muilim mahmah uh a, kaptukpah, kaplumpah lianlian uhhi. Sawltak #zomidaily