Tokyo khuapi ah abeisa kum 48 khitzawh khua avotpen in kiciamteh
Japan gam ii Capital khuapi ahi Tokyo City ah khuadam mahmah a, tuni Thursday (Jan 25) ni pen damphadiak hi. Central Tokyo sungteng ah tuzingsanglam in khuahun avotna pen Temperatures 4 Degrees Celsius ah kiasuk ahih manin, abeisa kum 48 sungah tuni pen khuahun avotpenpen in kiciamteh cih AFP pan kiza hi.
Kyodo News te genkhiatna ah hihbangin Japan gambup khuahun votcihtak in avotna ahangpen Low Atmospheric Pressure System hanghi ci’n genkhia uhhi.
Central Tokyo ah abeisa 1970 kum January khasung in hihbangdan in khuahun votpi in votngei a, tuazawh tuni pen avotpenpen kikni ahihi.
Fuchu City ii khuapualam ah khuahun votzawlai in, avotna Temperature pen -8.4 degrees Celsius bang tungsuk cihi.
Hihbangin khuahun avotpen tukalsung kizom suaksuak laiding hi. Saturday nidong Tokyo City sungah khuahun avotna -4 degrees Celsius hisuakding in ki ummawh hi ci’n Japan Meteorological Agency te’n amauzat Website tungah suaksak uhhi.
Khuahun pen votlua mahmah ahih manin, abeisa kum 33 sung khatveizong Low-temperature Warning cihbang kipia ngeilo himahleh tutung petpet ciangin Weather Agency te’nzong khuasung mipi te kidopding Warning piata uhhi.
Deputy government spokesman Kotaro Nogami ngiat inzong hihbangin khuavot hunpen kizom suaksuakding a, Saturday nidong khuahun votsuakding hi ci’n Reporters te tungah genkhia hi.
Tuaban ah abeisa kum 4 sungbang aom ngeilo Snowstorm pen tukal kipatlam in Tokyo City sungah kimu khakik hi. Munkhempeuh ah vukbekbek in tuamcip ahih manin meileng te taitheilo, vanlengzong lengtheilo zahdongin vukkia in, Snowstorm in nawkgawp hi. Kumpi thunei te’nzong Japanese Workers te kiangah innciahbaih un ci’n zaksakna nei uhhi.
Tokyo Fire Department panin Ambulance Service apiak uh hi a, abeisa Wednesday ni in khuahun siatna hangin Ambulance 2,826 veitak hongkisam cihi.
Tuahun sungteng cimawh in Emergency Call hongkisam pen tamphadiak cihi. 1936 kum in akipankhia ahi Emergency Service pen nungsungteng ki limsap phadiak a, nikhatsung bekbek in 2000 vei tabang Emergency Service kisamden cihi.
More: Japan pan alengkhia vanleng khat ii akha kiasuk in mawtaw khat dengsia
Monday leh Wednesday kikal inzong Tokyo City sung aom Hospital tuamtuam ah akipuakpen mi 592 phahi cin Kyodo News te’n genkhia uhhi. Sawltak #zomidaily
Comment piaknop aomleh...