Thuthak Tomkimcing 26 July 2014

Thuthak Tomkimcing 26 July 2014

A. Chin state sung khantoh nasepna Kumnih sumzat K,14950.557 Million

Leitung ah Myanmar mizawng penlam ahih ban ah Myanmar sungpan in Chin state Zomi, Laimi, Mizo, Khumi, te kiphual satna azawng pen mun ahihi. Khantoh nasepna ah khawi leh Vulh lam K 14950/- kizeek khia cih U khin Muang Aye in gen khia hi. Lampi, Leidawh, Meivak te ah 2013-2014 in k 7700/- kizeek cihi. 2014-2015 kum teh K 7100/- kizeek khia ci leuleu hi.

Avek in K 14950.557 Million tungsak hi. Chin state ah kumnih sung miles 400 kurtar suangleikip lampi kizo in Khuapi leh Khuata 83 in tui ngah liamliam uh a, Khua 25 ah Inn 1251 , Etteh takcing 137 pan in Inn 268 ai ding in K 7777.14 million bei hi.

Kattaya, Suangpha, Leitak lampi bawlna in K 6258.617 Million leh Tui vai in nasepna mun 64 ah 116.6 Million , Mei tawh kipawl in khua 27 inn 3706 ah Solar (nitangtha meivak) K 741.2 Million, Khua 3 kingawm khuata innlamsakna inn 19 ah’ K 57 million akingawm K 7173. 417 Million kizeek khia cih U Khin Muang Aye in gen khia hi.

Kalay – Tedim Ciau khuazinzin Mang pi in kumsim in lampi bawl uh a, Set tha omngeilo in athak lah behlap na omlo im, kataya sung leh mihing buhciim, leh gatam tha tawh sung in kho ngeilo hi. sumtambeina zah in lampi akip bawl ding mu modern nasep na lamdung ah omlo ci hi.

B. Myanmar Immigration te in IC akhonkhawng in bawl piakhia.

Myanmar Immigration te in Khangdawng tungte adawl (6) na NRC bawl sak uh uh a, sum leh paai la lo in akhonkhawng in bawl in pia khia uh kipa hi. Tu in Gangaw, Dawei, Tadaa Oo cih te ah kipan in pia khia uh hi. Tadaa Oo ah One Stop Service tawh siamsin 153, Dawei ah 275, Gangaw ah 172 in in NRC akhonkhawng in July 14 kipan in hawmkhia kia ta uh hi. Hau Thang