Gentehna Kammal thuk pawlkhat ~ Job Cinpi
1. Hong hamsan lo ui in hong pet nuam zaw hi. A kamtam mel lote sinsia zaw thei hi.
2. Na tut ding ciangin na nuai en inla, Na din ding ciangin na tung en in.
3. A muat lo singgah than in ne thei lo a, a nei lote kiluh thei lo hi.
4. khut le khete pen gilpi adingin sila suak uh hi. Kuamah in a mawkna in an hong vak zo lo ding hi.
5. Lukhu le lutang kilawi thei lo a, Mihing le itna kilawi thei lo hi.
6. Akii hoih lo bawng khawi ken la, Nasep thadah a vakthap mi an vak kei in.
7. Itna tawh ahih leh man ngen loin pia inla, Sumbawlna ahih leh midangte sak zah mah tawh zuak in.
8. Kamsiam leng liangko tawldam a, gil zong vah hi.
9. A liim na belh nop leh a hiang sutan kei in.
10. Kek in hong kha kei zongin gul in hong tu thei veve hi.
11. Ui nangawn kosia gawp leng a neite heh thei uh hi.
12. A nek nop manin hong dong thei a, a guk nop manin hong patausak thei hi.
13. A tangtat khia bawng gasate an suak a, nam dang pasal nei numei khual mi suak hi.
14. Mihing a na pian buangin hai kei inla na elzang mi lak ngei kei in.
15. Na gensa kammal, a kisatliam sa liamma.
16. Kam cidamte in sahang hing mat thei uh hi.
17. Simbu in vaak mawhsak kei henla, vaak in zong simbu mawhsak kei hen, a nih in a haam uh kilamdang khol lo hi.
18. Mihing ciatciat zong husanzia kibang lo a, pawlkhat in nahtang le ci meh nuam uh hi.
19. Na laam theih loh manin khuang le zam tumte mawhsak nuam kha kei in.
20. Thangkhuai bangin a khum thu a deih mi tam lo a, be-ik gim a nam an a duh mi tampi om uh hi.
21. Hiam a hoih pen tem nangawn in a bul bantan kik thei lo hi. (A deihna thuk kasak pawl hi.)
22. Saipi in singluangpi a kaih zawh mah bangin kawlgit in zong tehkeu tuah zo hi. (Hih zong a deihna hoih sa ing)
23. Nga-vok pen tui sungah a om den hangin ngo ngei tuan lo dinga, vakang pen lei lak ah a om hangin vom tuan lo hi.
24. Ui in a li a pehpeh hangin uili si tuan peuhmah lo a, uili in zong ui a peh hangin ui si tuan lo hi. (Hih zong gentehna hoih khat hi kasa hi.)
25. A kamsia vanglakte a belh singkung puk lai thei a, a belh phung nangawn kicim thei hi. (ka hicih hun tam lua.)
26. Tuahsiat ding hun ciangin vompi pelh mah leng zong sahang kituak thei hi. (Hih dan zong tuak mun ciat dingin kong um hi.) Zomi Laisim nuamte
Job Cinpi says
Laigelh Job Cinpi na cihsak zo dia? A thupi lua bel hi sam kei.
Joseph M says
Hi lawm, nong theihsak lungdam mahmah ei maw. Nang ii gelhteng atuamngiat in hih link https://zomidaily.com/tag/jobcinpi/ ah nakholsak ungei maw. Aki helkhalo aomlehzong hong zasak zelzel inmaw. Lungdam!