Thuthak Tomkimcing 22 Nov 2014

Thuthak Tomkimcing 22 Nov 2014

A. NRC thuthang tangko na ahun kikhel ding.

Hongtung ding 1 Dec 2014 pan kipan 2015 Mar 31 ni dong NRC Kawlgam sung minam tuamtuam kampau tawh thuthang tangko na hun kikhel ding ahihi. Tua ahih man in 6:00 am 7:00 am sung tumhlamPho Kayin , 7:00am pan 8:00am Suahlam Kayin, 8:00am pan 9:00 am Laizo, 9:00am pan 10:00am Cho/Khumi, 10:00am pan 12:00am Mon, 12:00 pan 14:00pm Rakhine, 14:00pm pan 16:00pm Shan, 16:00pm pan 18:00pm wa, 18:00 pm pan 20:00pm Kachin, 20:00pm pan 22:00pm Kayaa, 22:00pm pan 23:00pm Sakaw kayin in ahun kikhel ding cih kiza hi.

B. Zogam sung Khua 900 val ah Khuaphe mei kingah nailo.

Chin state sung ah khuapi khuata kingawm 1408 aom nasung pan in Khua 987 in mei nagh nailo omdide in ziingcip lai ahihi. Pu Cin Lian Pau in maikumsung ah hi khua meingah loteng nasiatak in mei ngah na ding sep ding cihi. Meitha kisam pen 3.897 Megawatts hi a, tulaitak 2.506 Megawatts kizang kinei hibek in 1.319 megawatts bang kisam lai cihi.

Hakha khua huam ah khua 47, Thantlang khuapi huam ah’ khua 46, Falam Khuapi huam ah 75, Tedim khuapi huam ah 87, Tonzang huam ah Khua 27, Chikha huam ah khua 5, Rih huam ah khua 4, Mindat ah khua 46′ Matupi huam ah khu 38′ Paletwa huamsung ah khua 10, Kanpetlet ah 31, leh Rezua khua huam ah khua4 bek in mei ngah pan ahihi. Tedim Khuapi huam ah meingah atampen hi pan bek hi. Hih mei te nasep na takta in kizang thei hinailo hi. Gangaw pan meitha khauh kila hi a Hakha ,Falam leh Taingen kipia ding a, Simlam pan in Mindat khua pi kihawm sawn ding hi.

C. Meizu MX4 Pro kizuak baih ta ding.

Meizu MX4 Pro ah Quad-Core 2.0GHz Cortex-A15 leh Quad-Core 1.5GHz Cortex-A7 CPU akibulh thak Samsung Exynos 5430 Chipset kituah hi. 3GB RAM, Mali-T628 MP6 GPU kihel hi. Internal Storage pen 16GB , 32GB , 64GB cih bang in namnam in om hi. MicroSD Card pen omlo cihi.
Anunglam ah Sony ii 20.7 MP Camera leh LED Flash omding ahihi. Maitang kimutuah 5 MP Camera kibulh hi. Kizopna lampan in cileng NFC, WiFi, Bluetooth 4.0 kingah hi. Fingerprint Sensor pen amailam anuai a om Home Button ah om hi. Android 4.4 KitKat pen abulpi in Flyme 4.0 hawlpei zo hi.Maikha Sweet December kipat ciang in Chinna gamsung ah khat teh $ 410 kim tawh zuak khiat kipan ding ahihi.

Hau Thang