A Piangsakpa Pasian Lamdang (2)
Pasian in leitung piangsak bek hi loin mihing bawlin piangsak lai ding, cih theikhol lua, a sehsa a hih manin mi masapa’ min
“Adam” ci-in “A” tawh a min hong kipan sese hi. A min khiatna “Leikhalbeu” matter ahi hi.
Lei pana piang leivui, Hebrew kamin leivui pen “adamah” hi-in, a tomin “Lei” ahi hi.
Kei sungah geologist (Dr. Vum Son Suantak)te pawl dan in element chemical 28 a muh khiat teng lian mah pen, mihing
pumpi sungah tua teng tua zah lian mah hong mukhia ta uh hi. Hih thulaigil Geological scientists ten hong theih khiat
ciangun, LSTho damdamin lamdang sakna le pom theihna lam hong mamawh ta uh hi.
En mah ve, Adam’ suante’ tenna peuhmah “A” vive tawh hong kipan sese…lamdang lua!
Africa
Antarctic
Asia
America
Australia.
Adam’ zi pen Eve hi-in a min “E” tawh kipan sese hi. Tua in Europe kawk phei hi lo hiam! Continent dang teng “A”
tawh kipan, Continent khat “E” tawh a kipat heih zawzen pen deihna nei ahi hi.
Eve minsel ahihna lahna-in, Europe sunga om, England gam in ukpi kumpinu [Queen] system hong nei ngitnget uh a,
Topa Jesuh hong pai ciang dong kizom suak dingin ka um hi.
Ute naute LSTho……………i pom siam tek tek hiam? I kigamla semsem hiam?
Piancit milungpil (philosopher) Francois-Marie Arouet Voltaire in, “Tu-a kipan kum 50 sungin LST cimang ding hi,”
mawk cih hi.
1694 suak hi a, kum 83 nungta-a, 1777 kumin si hi. PASIAN om lo a cipa, LSTho cimang ding a cipa, a sih khit kum 25
kum, 1802 kum teh Pasian in LUNGDAMNA KHAICI vawhna ah a lim zat mahmah;
The British and Foreign Bible Society [BFBS] piangsak bek dom loin, Voltaire ii leiseek innpi (taih-inn) pen hih BFBSte’
zumpi-in kizang sese lai ta zen hi. A kibungbu tunsak Pasian mah ahi hi.
A piangsakpa lamdang lua cih ding loh thu dang om lo hi.
The Beatles-te album khatna tawh pauh pah uh ahih manin hun tomna sungin leitung bup hong zel vat mawk uh hi.
“We will be more famous than Jesus Christ=Jesuh Khrih sangin ka minthang zaw ding uh hi,” cih newspaper ah hong
at khia mawk uh hi. Hih laidal pen 1980 lai-in Lengtong Go Lian in a kep gige, ka hawh ni khatin hong lak ngei ngiat hi.
Tua bangin Pasian neubawl khakna kammal hong zat khit uh teh, damdamin kiam lam hong manawh ta uh a, a
khaipipa, John Lennon pen NYC-a ama’ inn apartment (inn kisuangsawn) mai tek ah kaplupna 1980 Decem ber khatin
hong thuak mawk hi.
Pasian’ huat, kam cidam lo, hong zang kha a hih man un, The Beatles-te group kitap tawh hong kizom ta a, kigawm
kik ding, hanciam ta mah uh leh a khaktan khat om den keii hi.
Laisim ute naute,
Pasian le LST zahko neubawl, simmawhbawlte, no zong na theih uh thu om kha ding hi.
Zomite, Pasian’ teeltuamte i cihcih i kikoko buangin, i thupi bawl zo kei zongin, Vlotaire le The Beatles-te i bat khak loh ding, lim pha tak ngaihsunin i nuntak theih ding kihanthawn hang!
A piangsakpa lamdang lua cih ding loh thu dang om lo hi.
Topa’ minthanna hi zaw ta hen!
Pau Mang
Comment piaknop aomleh...