Chin State, Mindat vanzuakna Market pen Reserve Fund tawh ki lamkikding

Chin State, Mindat vanzuakna Market pen Reserve Fund tawh ki lamkikding

Chin State, Mindat Township sung aom vankizuakna Municipal Market khat abeisa kumkhat hunlai in meikanggawp in sicip hi. Union Goverment in Reserve Funds k315.008 Million atuamkep uh om a, tuate zangin hih akangtum Municipal Market ki lamsak kikding cih Myanmar Times pan kiza hi.

Kawlgam “Planning and Finance” ah Deputy Minister asem laitak ahi U Maung Maung Win in hihvai tawh kisai in Amyotha Hluttaw ahzong genkhiakhin kici hi.

Hihbangdan tuahsiatna “Natural Disasters” hangin asiate puahphatkik nadingin akizangding hi a, Chin State Goverment in Reserver Fund zattheih nadingin Union Government tungah phalna ngending uhhi ci’n U Maung Maung Win in genkhia hi.

Tua Municipal Market pen abeisa February 23, 2016 ni in mei akang hi a, kumkhat aval hita hi. Hihvai tawh kisai in State’s Budget tawh huhna aom theidiam cih Chin State Constituency 8 panin MP U Man Law Moung in dotna nei ahih manin, Deputy Minister for Planning and Finance U Maung Maung Win in adawnkikna kici hi.

Hihvai tawh kisai in Chin State Goverment in abeisakum July 22 ni in Union Government tungah pulakkhin uhhi. Tuaban ah November 18 ni in Naypyidaw ah Financial Commission tungahzong phalna ngetna piakhin uh cihi.

Reserve Funds pen Union Government ii phalna bektawk akizangthei ahihi. Gamsung ah tuahsiatna “Natural Disasters” cihte aom ciangin Union Parliament ii phalan leh Union Government thukimpihna tawh Reserve Funds te kizangthei hi. ZD Sawltak #zomidaily