Malaysia gamsung ah numeino khat akisil laitak Electric meipan in datlaih (electrocuted) ahih manin si cih thuthang The Star News panin zanni 26 July ni in kiza hi. Tua numeino minpen Ms Lee Shyr Nie hi a, kum 20 bek hipan hi. Amahpen South Korean university ah sangkah in pilna asin laitak ahihi.
Apa Mr Lee in Sin Chew Daily News te kiangah agenna ah a sanggampa zong akisil hi a, asanggampa kisilkhit ciangin Lee Shyr Nie pen akisil cihi. Akisil hunpen zan 11pm hunpawl hi a, akisil laitak in hong hon un ci’n a awng awgingkhat zakha ahih manin, anu in kisilbuksung ava etleh atanu pen khuaphawk nawnlo in na omta hi.
Anu inzong a tanu bang acihiam ci’n akhoihphei leh amahzong datlaih sawnsawn hi.
Seremban Police Assistant Commissioner Muhd Zaki Harun te ii genkhiatna ah hihnu pen akisil laitak in kisilna tuisa Hot Shower zang ahih manin, tuapan in datlaih in asi hiding cihi. Accident apiankhit ciangin Tuanku Ja’afar Hospital ah akipuakpah hi a, ahi zongin zato panin anuntakna beiziau hi.
Hih asinu pen South Korea ah Mass Communiction sinin University akah laitak hi a, tusung sangkhak ahih manin Semester Break innlam hongciahpak ahihi. South Korea ah tu Weekend ciangin apaikikding himah taleh apaikikma in anuntakna abei hitamawk hi.
Apa Ms Lee ii genna ah hih kisilna ah tui lumsaknading in azat uh Heater pen azatzawh kum 10 valkhin a, bangmah nawngkaina omngeilo cihi. Banghang in sihzawh naliangdingdong siavat malfunction hiam cih aki sitcian laitak cih thuteng kiza hi. ZD Sawltak #zomidaily
Comment piaknop aomleh...