Thuthak tomkim ~ The Tedim Post (10 July)

News In Brief: Thuthak tomkim ~ The Tedim Post (10 July)

2020 Kiteelpi ah vote(Mee) khia ding Chin State bupah 342,627 om a, Mee piak nang zum(Mee Zum) 1094 dingin gelna kinei hi ci-in Chin State Election Commission in gen hi.

June kha sung Rakhine State ah Myanmar Army leh AA te kidona hangin mipite sung pan mimal 56 thong kia a, mi 16 te thukhen zumah thu kibawl hi. Mipite thuakna tamlua ahih manin kidonate khawl bawl nadingin Nainganzi tawh thongkiate huh kipawlna(AAPP) in thusuah bawl hi.

Hpakan khua a mincipna hangin mi 170 val bangin hong nusiatna uh ko zong hong dahpih ung ci-in dahpihna lai North Korea Foreign Minister in Myanmar gam Union Minister U Kyaw Tin tungah laikhak hi.

2019 kum sung Myanmar gam sungah galkidona hangin gammi a tawm pen 151 in a nuntakna uh sih lawh uh a, gammi 384 in liamna baina thuak uh hi, ci-in Myanmar Institute for Peace and Security (MIPS) kipawlnate Report ah kigelh hi.

Bagan ah kawlte pasian 30 val kiluhin asung a om van leh nate kigukna hangin June 10, 2020 akipan sun leh zan tawl ngalo in palikten cing zihziah uh hi.

2020 kiteelpi ah Arakan National Party(ANP) in thu akihual nak a leh Chin State, Paletwa Township ah zong ka dem ding uh hi, ci-in ANP Party thunei khat ahi Daw Aye Nu Sein in gen hi.

UK in Myanmmar galkap mangpipa Min Aung Hlaing leh galkap mangpi 2 na Soe Win te gawtna bawl uh hi. Hih gawtna ah Russia, Saudi Arabia leh Myamar gam pan galkap zalian 45 kihel uh a, UK gam aneih sate uh khakcipna leh UK gam zin theiloh ding cihte ahi hi.

Brazil kumpipa Jair Bolsonaro in COVID-19 natna ngah hi cih thu July 7 2020 ni-in tangkona nei uh a, tulaitak Brazil gamah COVID-19 natna ngah mimal 1.6 million val om a, a si pen mimal 65000 phata hi.

Covid-19 natna vai WHO tungah muanmawhna leh lungkim lohna hangin US kumpi in WHO pan tawp ding kipsak ta hi. US in WHO kipawlna ah kum simin US Dollar Million 440 pia den hi.

COVID-19 natna ngah hong tam kikna hangin Australia Gam, Melbourne khuapi a 2 veina kal 6 sung a sawt ding lockdown dingin tangkona nei kik uh hi. Melbourne khuapi pen Australia gamah a golpen nihna khuapi zong ahi hi.

USA kumpi tawh kimuhkhopna neih kik ding ka lunggulh nawn kei uh hi, ci-in North Korea, Vice Minister of Foreign Affairs Choe Son-hui in gen hi.

More: Chin State sungah ahoih mahmah Tedim’ vanlengtualpi munding ~ Dr. Dongno

July 9, 2020 ni Leitung bupah Covid-19 natna ngah Tein 120 val(12,077,210), asi Tein 5 leh lang val (550,327) leh adam kik Tein 66 val (6,636,374) phata hi. Source : 7day news, Eleven Media, Irrawaddy, RFA, Myanmar Times, Taung zalat Times.