US galkap te vanpuakna Cargo vanleng khat kia in mi 9 si

US galkap te vanpuakna Cargo vanleng khat kia in mi 9 si

US galkap te vanpuakna vanleng “Cargo Plane” khat Wednesday ni in kiasuk in puakkham a, mi 9 in sihlawh cih AFP pan kiza hi. Tua US Military Cargo Plane kici vanleng pen akizatzawh sawtkhin in, alui mahmahta, kepcipding in akipuak laitak akia kici hi.

Tua vanleng pen C-130 “Hercules” Cargo Plane kici a, Puerto Rico Air National Guard panin US gamsung zuanin alengkhia, Georgia, Savannah/Hilton Head International Airport geinai atun ciangin akiasuk ahihi.

Vanleng akiatlian laitakzong Video Record akibawlkha om a, vandawn panin thakhatthu in kiasuk in tuaciangin puakkhamzai a, meikuang kithehkhia ziahziah hi.

Hihvai tawh kisai in Puerto Rico National Guard spokesman Major Paul Dahlen in agenkhiatna ah vanleng sungah akigawm in mi 9 atuang cihi. Tualak ah vanleng nasem Crew Member pen mi 5 hi a, tualo adang Passenger mi 4 zong kihel ahih manin, akigawm in mi 9 atuang cihi.

Tua adang mi 4 tezongpen US galkap te ii innkuanpih tengmah ahihi.

US President Donald Trump inzong hihvai tawh kisai in amazat Twitter tungah gelhkhiapah a, U.S. C-130 “Hercules” Cargo Plane akiatvia hongki zasakkhin hi. Atuahsia innkuanpih te ading phawkin, thu ngetsak khawmni ci’n gelhkhia hi.

Video: An aging US military cargo plane carrying nine troops was destroyed in a fiery crash on Wednesday (May 2) as it made its final scheduled flight before being mothballed, officials said.

https://www.youtube.com/watch?v=ySXYL1uMm5A

Spokesman Major Paul Dahlen in agenbehna ah hih atuahsia vanleng pen kum 50 valbang a upakhin cihi. Vanleng zatlui te akikepna “Boneyard” ahi Davis Monthan Air Force Base, 309th Aerospace Maintenance Regeneration Group ah akipuakding in alen laitak in akia cihi.

Hih vanleng akiatma in Georgia ah Maintenance hoihtak aki puahsakkhin hi a, asetsung asiatna omlo “good mechanical condition” cihtawh aki lengkhiasak cihi. Ahi zongin hihbangin tuahsiatna apianna ahangpen hoihtak ki kancianding cihi.

US galkapte vanleng “US Military Plane” tezong tunai tuahsiatna tuamtuam kizathei zelzel hi. Nungkhasung inzong Las Vegas ah F-16 galvanleng khat kiasuk in, vanlenghawl Pilot in sihlawh hi.

More: Istanbul Airport ah vanleng kia in tumnih kisuahliang, asi omlo in lamdang kisa

Military Times te pulakna ah abeisa Fiscal Year 2013 pan 2017 kumte sangin galkap vanleng tuahsiatna pen 40% bang tamzaw hi ci’n genkhia uhhi. Hihbangin tuahsiatna atamna pen 2013 Budget Cuts hang kici a, Training hoihtak kipiazo nawnlo, tuaban ah Aircraft te ki limzatlua, vanzatte luiluata cihte hangin tuahsiatna atam kici hi. Sawltak #zomidaily