Phone zangin abuaicip nupi khatin atanu meileng pan akiatlam phawkkhalo
Beijing khuasung atai meileng tungah nupi khatpen atanu tawh atuangkhawm dingin akithawi uh ahihi. Station khatah meilengtung atuangding in akithawi uhciangin tua nupinu pen a Mobile Phone ettawh buaicip ahih manin atanu pen meileng leh Platform kikal ah akiatsuklam phawkkholo cih SCMP pan kiza hi.
Nung Tuesday (Oct 16) ni in Beijing khuasung ah thupiang hi a, tua meileng pen akhawl laitak, apaikhiatma in numeino anuai ah akiatlam kitheikha bilbel ahih manin ahunlap in ki honkhia theikik cihi.
Tua meileng leh Platform kikal ah akiasuk numeino pen amin leh apuam te Official in ki pulakkhialo a, ahi zongin CCTV (Security Footage) panin aki muhna ah tua numeino pen kum 4 ahih keileh kum 5 gualpawl hiding in ki ummawh hi.
Tua numeino pen Beijing Railway Station ah anutawh meilengsung alutding in akithawi uh hi a, anupen Mobile Phone enlua in buaicipgawp ahih manin, atanu anuai ah akiatsuklam aphawkkhalo hi ci’n Beijing Youth Daily te’zong Wednesday ni in suaksak uhhi.
North-east China, Liaoning Province sungah thupiang hi a, Dalian kicihna lamzuan in meileng apaikhiading pen nuta te’n atuangding in akithawi uh ahihi. Meileng leh Platform kikal ah numeino akiatsuk ciangin meileng Station worker khat anuai ah kumsukpah in tua numeino pen ahunlap in honkhiathei bilbel hi.
Atanu anuai ah akiatsuklam akhuanungtheih ciangin anuzong pataugawp pansan a, atanu pen alu ah abok khatlobuang adang bangmah liamgawpna omlo bilbel hi.
More: Setkahlei tungah Selfie kizaihding buailuatna tawh anu in anautawi kiatsuah
Hih thupiang tungtawn in Mobile Phone bekbek tawh buaicipna ahoihlohlam ngaihsut huaihi. Adiakdiak in naungek tawh akithuah nute pate in hih thuthang tungtawn in kidop siamding aki phawksak phapha ihhihi. Selfie kizaih, Facebook leh Social Media tuamtuam, Mobile tawh buaicip cihte hangin tuahsiatna atuamtuam kiza zelzel ahih manin, kidop siamding thupi mahmah hi. Sawltak #zomidaily
Comment piaknop aomleh...