Thai nupi khatin ata adekbuk pan siksukin khautawh ahenlaitak Video kizaihkha

Thai nupi khatin ata adekbuk pan siksukin khautawh ahenlaitak Video kizaihkha

Thai gamsung ah nupi khatin atapa adekbuk panin akhetawh siksuk in, Plastic khautawh sikzawn tungah ahencip laitak Video kizaihkha citciat hi. Tua nupinu pen Thai Police te’n matding in zonsan laitak cih Daily Mail pan kiza hi. Mi muhlohding hipeuhmahlo a, Food Market mai khatah akhihsawm ahihi.

Bangkok City tawh aki gamlalualo Nonthaburi Province sung aom singgah kizuakna saimai khatah thupiang hi in, tua nupinu pen hehmahmah in atapa tawnggawp kici hi. Alu adekbuk panin khetawh siksuk in, kulsuk sakcip a, tuakawm in Plastic khautawh alu, akhut teng sikkhuam tungah hencipsak hi.

Agei mahmah ahzong midang te’n mugige in, apaisuk apaito te’n etsan giaugiau uh himahleh ahot khiatsawm kuamah omlo hi. Ahi zongin mi khatin Video Record nabawlkha ahih manin, tua Video pen Social Media tungtawn in aki thehthang ciangin Police te’n matding in tua nupi azonsan uh ahihi.

Adekbuk panin khetawh siksuk in Plastic khautawh ahencip laitak, tua naupangno in thuaklahlua ahih manin “nakzo nawnkeng, nakzo nawnkeng” ci’n awng awng himahleh khatuanlo hi.

Tua naupangno pen kum 5 khawngbek hipanding in ki ummawh a, kap in a otot hangin tua nupinu in khahkhianuam tuanlo hi.

More: Thai Mae La Refugee Camp ah amauleh amau akithat Suicide tam

Corporal Rangsan Namsang kici ii genna ah tua nupinu pen asinsia mahmahkhat hiding hi. Hih nupinu pen Park Kret Market gei aom Temple khat ii amai ah kimuzel hi. Hihbangdan gamtatpen hoihhetlo hi. Nupi khatin atate tungah hihbangin gamtatding akilawm mahmah inzong kilawm samawk ahiam?

Naupangno in nakzo nawnkeng ci’n a ot, akahbek zalo hiam? ci’n dik asaklohna genkhia hi. Tua naupang pen anu in tawlkhat dan apiakkhit ciangin khahkhiakik cih kiza hi. Ahi zongin thunei te’n tua nupinu kankhiading uh cih kiza hi. ZD Sawltak #zomidaily