Thai kumpi in agamsung aom Refugee 70,000 te ciahsaksawm

Thai kumpi in agamsung aom Refugee 70,000 te ciahsaksawm

Thai gamsung aom 70,000 acingdektak Refugee te aciah nading un Thai kumpi in vaihawmsawm cih Bangkok Post pan kiza hi. Tua Refugee tepen Kawlgammi Myanmar Refugee vive hi uh a, aciahnuam hetlo tebel ki thagumsawl samloding ci uhhi.

Kawlgam ciahding in akizokhin, akhentat khinta damdam in kipuakkik tading hi ci’n 3rd Army Chief Lt Gen Vijak Siribansop akici galkap mangpa in Thursday ni in genkhia hi.

Kawlgam kumpi inzong thautawi Armed Ethnic Groups tetawh Peace Talks abawlzel uh hi a, Kawlgam aciah kiknuam te adingin nuntakgim namzawta hi ci’n Thai galkapmang pa in genbeh hi.

Tuaban ah Refugee te aciahkik ciangin amau nuntakna lauhuaina aomloh nading leh ki nenniamna aomloh nading “Safety and Dignity” pen ki limngaih sutsak mahmah cihzong genbeh hi. UNHCR (United Nations High Commissioner for Refugees) inzong gambel te aciahkik nading vaikisam te sepsakding uh a, Fund sumzong geelsakding cihi.

Thai Government inzong aciahkiksawm Refugee te leh Kawlgam kumpi kikal ah Facilitator sepsakding uhhi.

Tulaitak lianin Thai gamsung ah Myanmar Refugee bekbek 69,128 bang omding kici a, Refugee Camps bekbek akigawm in Camp 7 bangah om uhhi.

More: Thai Mae La Refugee Camp ah amauleh amau akithat Suicide tam

Tua Refugee Camps tepen Ban Ma La (Tha Song Yang district), Ban Um Piam (Phop Phra district), Ban Nu Pho (Umphang district), Ban No Soi (Muang district), Ban Mae Suri (Khun Yuam district), Ban Mae Lama Luang leh Ban Mae La Lun (Sop Moei district) cihbang teng ahihi. ZD Sawltak #zomidaily