US gamsung ah mawtaw Accident i tuahkhak ciang theihding thu
I ut a, i ut kei zongin U.S.A gamsung a teng Zomi khempeuh in, ki ginkholh theihloh thu tawh mawtaw accident ki tuak thei lua a hihi.
En traffic thukham i zui siam phial zongin, thukham a zui lo mitampi te hangin mawtaw accident ki tuak thei hi; Tua a hihmanin a theih huai thu pawlkhat kong hawmsawn nuam hi.
1. Nang mawhna a hi a, a hikei zongin accident Na tuah khak zenzen Leh, Lang khat mawtaw hawl te kiang “sorry” ci masa himhim nai kei phot in.
2. Nang address, phone number Leh insurances te, Na langkhat mawtaw hawl te piapah in la; tua mahbang in na langkhat te address, phone number, leh insurances te lapah in.
3. Na accident Na mun ah, na hih theih liai nak leh maan atam theithei zaihpah In la, Nang mawtaw ki siatna, Na lang lamte’ mawtaw kisiatna leh number plate te hoihtak maan zaih pah lian in.
4. Nang lam pan a hi a, Na lang lampan khat zaw zaw Police a sap naak leh a kicing a hi hi. Police tekiang thupiang bang a maan in gen in;nang khialhna a hi phial zongin zuau thu genken. Police te ong pai leh claim number Leh police officer te phone number Leh a minte uh ngen pah in.
More: US, Indiana State ah Kawlgammi khat mawtaw Accident in si
5. Na accident ong mu or Na tuanpih te kiang zong tet-Ti dingin thu piang te hoihtak thumaan in gensak in.
6. Kua mi cih zahtaak bawl kenla mawtaw accident khat peuh Na tuah leh Hih a tung a teng phawk tawntung in.
Huh nakisap leh ong call in, ka hun awng tawh a kituah naak leh ka theih tawp suah In kong panpih ding hi. Lungdam. Pa. Go Lian Kap Cell: 918 644 7723
Comment piaknop aomleh...