Thai ah pasal panin numei akilaih te galkap tumkhakding patau mahmah

Thai ah pasal panin numei akilaih te galkap tumkhakding patau mahmah

Thai gamsung ah kumcingsa pasal khempeuh galkap tumloh phamawh cih thukhun nei uh ahih manin “Transgender” te lungbuai mahmah uh cih Reuters te’n genkhia hi. “Transgender” cihpen apianpih cii khenna “Gender” panin adangkhat ah laih cihna ahihi.

Cihnopna ah numei pen pasal in kilaih a, pasal pen numei in kilaih cihdan ahihi. Ahi zongin Thai gamsung ah Transgender akicih nakleh atamzaw pen pasal panin numei akilaih hizawpian hi.

Thai kumpi in kumcingsa pasal te galkap tumloh phamawh cimawk ahih manin, apianpih pasal hihna panin numei ah alaih “pa ngak” te buaimahmah uhhi. Amel aci asa pen nungak tawh akibat mahmah hangin apianpih, asuahkhiat laitakin pasal himawk ahih manin, tuate ii Birth Certificate tungah pasal cihtawh kiciamteh hi.

Galkap tumding himawkleh pasal te lakah aomloh phamawh himawk ahih manin, tua Transgender te patau mahmah uhhi.

Thai Transgender Alliance for Human Rights panin makai khat ii genna ah Transgender tepen pasal te lakah niklehpuan suahkhiat kulding, pasal te etgega thuakding, ki maizum sakding ahih manin atamzaw patau mahmah uhhi ci’n genkhia hi.

Pawlkhat Transgender te bangpen galkap tumding sangin sinuamzaw in amauleh amaubang ki suamlupsawm, ki thahsawm, Suicide sawmbang om ciliang hi.

Kumsim in April kha atunsim in pasal in apiang khempeuh kum 21 acin nakleh galkap tumding cihpen Thai kumpi thukhun ahihi. Galkap tumdingpen mee sawksak uh a, mee atuakkha te’n kum 2 sung galkap tumloh phamawh ci ahihi.

Galkap tumdingpen a ut masa kuamah omlo ahih manin, pawlkhat a utloh manin numei akineih ahihdingzong upmawhna om ahih manin, tua Transgender tepen inndei sungah guaktang in ki omsak a, apianpih van uh sitcianna kineihsak cihi.

More: Thai gamsung ah migilo te’n innkuan khatsungpan mi 4 kaplum, 2 liam

Birth Certificate tungah pasal in akigelh hangin, apasal van at khiakhin in, numeivan tawh alaihkhin tepen galkap ki tumsakloding cibilbel sam hi. Tua ahih manin numei kizepin akizem khempeuh pen avan kilaihkhiam ci’n atung leh anuai limsit mahmah uh cih kiza hi. ZD Sawltak #zomidaily