Myanmar President U Htin Kyaw China ah kumpivai tawh khualzin

Myanmar President U Htin Kyaw China ah kumpivai tawh khualzin

Myanmar President U Htin Kyaw pen zanni Thursday (Apr 06) ni in Naypyidaw pan China, Beijing ah kumpivai tawh zinkhiata cih Global Times pan kiza hi. U Htin Kyaw pen China ah azincilna hi a, ni 6 sung sawtding cihi.

President U Htin Kyaw ii khualzinna ngimna bulpi pen China leh Myanmar gamnih kikal kizopna khansak nading leh abeisa sangin gamnih kikal sepkhoptheih semsem nading cihte hiphadiak ci’n Xinhua News Agency in genkhia uhhi.

Experts te genna ah U Htin Kyaw pen China ahawhna hangin Sino-Myanmar Relations pen khangsak mahmahkhading ci uhhi. U Htin Kyaw leh NLD Party te’n March 2016 kumin Kawlgam sungah kumpisep hongkipan uh a, ahi zongin Economic Policies ageelzah un lawhcinglo uhhi.

Tuaban ah gamdang panin Foreign Investment pen US leh Europe gamte lametzah in honglut zuahzuahlo uhhi.

Tua ahih manin Myanmar’s President pen China kumpi tawh kizopna ki bulpatsawm mahmah in Bilateral Trade leh Investment vaitawh Sengam azin hiding hi ci’n Zhu Zhenming in genkhia hi. Zhu Zhenming pen Yunnan Academy of Social Sciences ah Professor asep laitak ahihi.

Myanmar President U Htin Kyaw pen Thursday ni in Sichuan Province ah tungkhin hi. Sichuan aom Chengdu Shuangliu International Airport atunin Vice Governor Yang Hongbo in vanlengtual ah vaidawnna limtak in nanei cihi.

President U Htin Kyaw ii khualzinna Agenda thupipenpen ahihleh sumzon paaizonna vai leh gamgi vai “Economic cooperation and border management” hiphadiak kici hi.

Abeisa kumtampi sung China leh Myanmar pen Economic leh Trade Cooperation tawh aki limzopden mahmah gamnih ahihi. Tutung Myanmar President ii khualzinna vai ahzong galvanleng “Joint Fighter-17 (JF-17) Thunder” kileiding vaizong kihel khading hi ci’n Analyst Liu Yun in Global Times te tungah genkhia hi.

Myanmar’s Air Force inzong galvanleng “JF-17 fighter Jets” pen leiding in thukimna neikhin uh cihi.

More: Kawlgamsung meileng puahnading Germany pan US$5.3 million leitawisawm

Ih Kawlgam kumpipa in Sen kumpi tawh bangciciang zingvai hong hawmkhawmthei uhdiam ngaklahhuai veve hi. ZD Sawltak #zomidaily