Pathein, Ngawin lui sungah gunkuang (setli) kibung in mi 60 si
Myanmar, Ayeyarwady Region sung aom luikhat ah setli ihcih gunkuang te nih kinawkkha in, mi 60 bang siding cih Mizzima pan denmah in kiza hi. Ayeyarwady Region, Pathein khuagei aom Ngawin lui sungah tuni Friday (Apr 07) nitaklam 7pm hunpawl in thupiang ahihi.
Tua aki phukha gunkuang “Boat” khatsung ah mi 80 bang atuang uh ci a, mopawi siim in apai uh hi in, aciahlam in gunkuang adang khattawh aki phukha kici hi. Aki phutkhakpih setli gunkuang pen suangpua gunkuang khat hi a, Ngawin luisung ah aki phukha uh ahihi.
Mopawi siim in aciahkik setli tungah mi 80 bang atuangding in kigen a, tualak ah mi 20 khawngbek ki honkhiazo cihi. Adang mi 60 bangpen setli sungah awkcik in avekin sikhin phialding in kigen hi.
Asi atamzaw pen numei vive hizaw kici a, naupang zong honkhatmah kihelding cih kiza hi.
More: Myanmar & China gamgi dungah buaina hangin mi 160 in sihlawhkhin
Breaking News ahih manin, tuaciangbek kiza phot hi. Khua mialkhin in ahonding te’nzong mei gina omlo in bangmah muthei nawnlo uh ahih manin lungkhamhuai mahmah hi.
Comment piaknop aomleh...