Khatvei ngaihsun kik in ~ Job Cinpi

Khatvei ngaihsun kik in ~ Job Cinpi

Tulaitakin bang thu ngaihsun na hiam ci-in na ngaihsun kha ngei hiam? A ngaihsut thu a thei lo mi pawlkhat om uh hi. Tua bang hisak kei in. Na ngaihsut thu na theih ding thupi mahmah hi. A ngaihsut thu a thei lo mi in midangte ngaihsut thu sem ding uh a, midangte sawltakin om ding uh hi.

Bang thu ngaihsun na hiam cih na ngaihsut kikna in ngaihsut hoih dang hong musak ding hi. Khat veivei ciangin thu ginalo khat ngaihsun hi napi tua a ngaihsut thu a ngaihsun kik kha lote in a ngaihsut bangin sem uh hi. Pilna nei a kici, mipil misiam a kicite in amau ngaihsut thu mah khat vei ngaihsun kik uh hi.

Tua hangin thu khat a khensat uh cianga hi a, a ngaihsut khat uh a sep a bawl uh ciang ahi zongin khialhna mawhna tawmsak mahmah hi, ci uh hi. Tua in lawhsapna tawmsak tuam hi.

Tua ahih manin na ngaihsut thu khat vei ngaihsut kik ding thupi hi. Khat vei ngaihsutna tawh thu khensat, khat vei ngaihsutna tawh na sem, na bawl cih pen khialhna tam thei hi. Thu ngaihsut pen zongsat ding a hoih mahmah khat ahi hi.

More: Nang Apple bawlpa tate zat Technololgy bangnam ahi dingin na ngaihsun?

Thu ngaihsut pen gamtat mah tawh kibanga ngaihsunsun le’ng a sawtna ah kizongsang hi. Tua ahih manin thu ngaihsut ding hahkat inla na ngaihsut ding a om theih nadingin lai zong sim in. Lungdam, Job Cinpi (Zomi Laisim Nuamte)