Telenor Myanmar te’n Online Movie ettheih nadingin iflix amawkna in zangsakding
Myanmar gamsung aom Internet leh Phone zattheih nadingin avaihawm, Telecommunications Service apia ahi Telenor Company te’n iflix amawkna in zattheih nadingin vaihawm uh cih Telecom Asia pan kiza hi.
iflix cihpen Online tungtawn in Video tuamtuam ettheihna “streaming entertainment service” apiakhia Company khat hi a, US gamsung aom Netflix tawh akibangpian in Asia gamsung ah Service apiakhia Company ahihi.
Telenor Myanmar Operator te’n amau Service thakkhat ahi Fixed Broadband Service atangkokhiatna Promotion bawlkawm in, Telenor Customers te iflix access amawkna in zattheihding in avaihawm uh ahihi.
Telenor te ii 5Mbps, 10Mbps, 15Mbps Broadband Plan azang Customer khempeuh in sum bangmah beithuah, piakbeh kullo in iflix amawkna in zangtheiding cihi. iflix ah tulaitak Movie tuamtuam, TV Shows leh Original Programming tuamtuam nai tultampisung ettheihding kikoih zihziahkhin a, tuate Telenor azangte’n amawkna in a entheiding uh ahihi.
iflix te’n Myanmar gammite zong mitsuan in ahanciam mahmah uh ahih mahbangin, iflix sung aom Movie, Video tepen Myanmar Subtitle tawh anuai ah kigelh pahpah hi. Myanmar Font pen Zawgyi leh Unicode namnih zang uh a, deihzawkzawk teeltheihding in koihsakpah uhhi.
iflix pen tulaitak Asia Pacific sung aom Malaysia, Indonesia, the Philippines, Thailand, Brunei, Sri Lanka, Pakistan, Myanmar, Vietnam, Cambodia, Bangladesh, Nepal cih gamteng ah ki enthei, kizangtheikhin hi. Asia gamsung bekbek ah Customers bekbek 1 Billion valbang neikhinta uhhi.
Telenor Myanmar Company panin Fixed Broadband leh Wholesale makaipi ahi Tan Sian Tuang in agenkhiatna ah Myanmar gamsungah Online Educational leh Online Entertainment kilimzat semsem hi. Adiakdiak in khuapisung aomte’n Online kilimzat phadiak ahih manin, Internet Data pen atamtheithei kideih in, Data Demand pen khangsemsem hi.
Tua ahih manin Telenor’s Broadband Service nazatleh tulaitak Yangon leh Taunggyi huamsung aom Telenor Customer te’n lunghimawh nading omlo in nuamtak in kizangthei dending hi.
More: Telenor Myanmar te’n “Guinness World Records” pahtawina ngah
Myanmar gamsung aom Telenor Service azangkha ka Customer te uhpen Digital Lives alemsemsem dingin iflix tetawhzong Partnership kibawl a, Digital Entertainment Services te’n Telenor Customers te’n nuamtak in zangthei tading uhhi ci’n genkhia hi.
Telenor Myanmar te’n abeisa in Mobile Service hizaw a, ahi zongin tulam ciangin Fiber-based Home Broadband Service zong piata uhhi. Sawltak #zomidaily
Comment piaknop aomleh...