Tedim leh MP (Member of Parliament)

Tedim leh MP (Member of Parliament)

(1)Tuni ciang ciang Kawlgam ah COVID19 natna nei mi za leh sawm leh sagih ki phata in Tedim ah a hul sitset in mi nga hong om ta hi.

(2) Gam khat ah gamvai tawh ki sai in khuampi, mungpi thum om aa, thu khun bawlna Legalistic Power, ki ukna Executive Power, thu khenna JudiciaryPower, nam thum teng a om hi. MP te pen thu khun bawlna Legalistic Power a nei mi, a hi uh hi.

(3) Amasa in mipi in ih tel, MP ih cih cih pen Member Of Parliament a hih lam thei tek hi hang. Member Of Parliament ih cih tak teh ei mipi in, ei tang aa ih tel, ei tang aa ih kisap teng, ih haksatna teng pulak ding ih tel mi hi. Hih tawh ki sai in The Tyrant Of Athens thu teng gento nawn dah ni.

(4) Minister cih pen Kawl kam mahmah in zong VuanGyi hi lim lim hi. Cih tak teh mipi haksatna, mipi ki tangsapna, mipi lungkhamna teng a pua mi, mipi ii Burden teng a pua mi cihna hi pah hi. Ih theih pak ding ah COVID19 tawh ki sai in ki ukna lam(Executive Power) ah Minister of Health and Sport om aa, tua VuanGyi in pen cidamna leh ki mawlna lam bek ah tavuan a nei hi. Tua leh MP te in ee, a vekpi in tavuan nei hi. Mipi kisapna, mipi lunggulhna, mipi gentheihna khempeuh ah tavuan a nei uh hi.

(5) MP te in COVID19 tawh kisai bang tavuan nei hiam? Minister of Health and Sport te a hi zong, Chin State Cabinet te a hi zong, a nasep dan te uh a hi zong, thu dong kantel ding, ki kup pih ding leh lam hilh ding tavuan leh Power nei uh hi.

(6) Mipi deihna ah hih COVID19 tawh ki sai a hi zong, mailam khantohna ding a hi zong, MP te in kuamah maitang enlo in mipi maitang bek en in, hangsan tak aa khut zung kawk zen aa, nong panpihna ding ki lung gulh mahmah hi. Tedim Communication & Information Center