Malaysia, Genting Highlands zuanin apai Bus khat meikuanggawp

Malaysia, Genting Highlands zuanin apai Bus khat meikuanggawp

Malaysia, Genting Highlands zuanin apailaitak Travel Bus khat meikuanggawp cih NST pan kiza hi. Tua Travel Bus pen Kuala Lumpur – Genting Highlands lamzikpi tungah Tuesday ni in atailaitak KM10.9 atun ciangin Bus pen meikuanggawp cihi.

Genting Fire and Rescue Department te genkhiatna ah tua Travel Bus meikatna pen akikan ciangin mawtawpei Tyre pan akipan hiding ci uhhi.

Hihvai tawh kisai Genting Fire Station Chief Yusry Abdullah Sani in agenna ah tua Bus pen avekpi in meikanggawp a, siacip didek cihi. Ahi zongin asi leh aliam kuamah omlo cibilbel hi.

Nitaklam 6:50pm hunpawl in meikang om ci’n Distress Call hongki zasak a, kidelhpah hi. Hongki zaksakzawh Minute 20 khitciangin aphual ah kitung a, Firefighter te atun ciangin meikuangpen kizelgawp khinta hi.

Firefighter te’nzong meikuang phelhpah ngeingai uh a, Minute 30 khitkhawng ciangin meikuang avekin ki phelhsiangzo hi ci’n Genting Fire Station Chief in genkhia hi.

More: Update: Genting Highlands – Singapore atai Bus khat tuahsia, mi 1 si, 13 liam

Tua Bus pen meikat laitak in asungah Passenger kuamah omlo bilbel hi. Kuala Lumpur panin Genting Highlands ah Passengers te adawndingin akuankhia hi a, lamkal ah Tyre meikatna pan kilawh in Bus abuppi in mei akanggawp ahihi. Sawltak #zomidaily