Tedim khuapi ah (03 February)
Lai at dan siamlo pipi aa, TEDIM KHUAPI AH cih thulu tawh ka theih sunsun lai ka at te hong simsak a, tha hong piate khempeuh tungah lungdam hong ko ing.
TEDIM KHUAPI AH – khua hun tawmtawm hong kikhel in, a vot pan zong damdamin hong lum pian hi. Nitak nai khat khit khawng hi leh tansawm laivuan huihkhi hong langin, tansawm laivuan dingte bang kiphawktuam peuhmah hi.
TEDIM KHUAPI AH – nung a ka helsa hita leh EBC khawmpi a dingin bawda tual ah, state kilam pen hoih mahmah dingin lam et huai hi. Ta ban ah, bawda tual dim in nidang in hileh takteh khawng kiphah pen tung mipi tutna ding tutna giat U Tunta khutsiamte in bawl in zo dekddek ta uh cih ding hi. A ni theilian keng, nai in um ing. TCBCte in zong biakinn tual dimin Mandat bawlsan uh a, hih zong nopci ding hi. Tualo Tuiphumte bel khuano lam ah, Association kumcinte sim dingin zing ah thai ah ding khia dingin lingling ta uh hi.
TEDIM KHUAPI AH – ka theihna in a batlah tam peuhmah a, mawtaw leh cycle hong kinawk khak khat in, lawmpen teng numei nih leh, palik puan silh nih in thupianna mun ah phone tawh man hong zaih tak teh TEDIM KHUAPI AH – numei palik a om lam ka thei pan a, thupi sa mahmah ing. Tua ban ah, galkapte kiangah, zong mattawm, mattam kisam sese lo, tansawm ong numei te in galkap sung ah lai-at ding zong kisiau thei cih ka zak ciangin, Pasian thupha ih san lam hong telsak hi.
TEDIM KHUAPI AH – khuasung inn kilamte bang pen saimual pan ih suah lian teh nidang hi leh innte pen vom miatmuat a, innza hang hong hi hi. Tunb el maw guai tambawsii kizut hong tam zawta a hih manin, vaupak hong bang pianpian ta a, hong nopci mahmah ta hi. Inn kilamthak lah tam, a lui kipuah lam tam Pasian thupha ka na ci ci hi.
Mundang om ten inn lam hong puah nop lam uh kimu thei pha mahmah cih ding hong hi ta hi. Nung aa, inn kilam ih gen ban ah, Sakollam veng, nidang Pu Thang Za Do te inn mun ah, Pa Hang Lam Thang lam inn bang pen, mun dangdang a ih muh TEDIM KHUAPI AH – om leh ih cih dan te pawl hong hi pah ahih man kei bang bel hong zawh ding kaal ngaklah mahmah himai ingh.
Zan ni in Chin State Governer hong pai in, khuakiim hausate leh khuasung ulian te tawh kimuh khopna nei uh hi. Athucing ken tel keng. Tua ban ah, April kha teh Zosuan tuailai khawmpi hong tung dinga, tua ding zong ZYA- Tedim te leh Hang khan Lian zong thu kikupna kinei khin hi. A thucing pen ZYA Secretary kidong thei hi, Ka theihsunsun hong at hing. Lung dam, tplian
Comment piaknop aomleh...