Tedim Icon Top 10 kitelkhia khin ta!
Dear all, Jesuh Khrih hong puak nopna thupha note tung ah hong tung ta hen! Tedim Baptist Convention Youth Department le Music Committee kikopin Zomi khangthak te pattah nop luat manin a om sa bangmah om lo hita leh hanciamin huhna kingen tawmtawm aa Tedim Icon Season I cih la kidemna kivaihawm hi.
Audition pen October 11,12,14.2014 sung center thum ah kinei khin hi. Level I pen CMBC biakinn ah December 13,2014 ni kinei aa.a kidem mimal 47 pha in tua sung pan 25 kitelkhia hi.
Level II pen December 14,2014 nitak in CMBC biakinn ah 25 tengin kidemna hong nei uh aa,tua sung pan Top 10 kitelkhia hi. Hih hun sungah Pa Hang Khan Lian in khangnote thapiak thu genna hong neihsakin tha kingah mahmah hi.
La kidemna ah
Chiefe Judge: Rev.Tuan Khan Mung
Judges: Zamdal (Zoheisa)
:Theinkhai (Lengtong Studio)
:Haupi (Sower sisters)
Level I, Level II leh Level III ah la kidem ding teng Thein Khai in hong phuahsak ahi hi.
Top 10 teng March 28,2015 ni a 6 veina TBC Youth Conference ah kidemna kinei ding hi.
Pahtawina piak ding geelna!
Tedim Icon Season I- Ks.300000 le Trophy
Top 9 teng -Ks. 50000 le Trophy
People Choice Award- Ks.50000
Top 10 ah akihel teng DVD lakhui khat bawl sak ding cih ahi hi.
TOPA’MIN THANNA HI TA HEN!
Thupuak, Rev.Cin Khan En @ Enpi (Youth Director, Tedim Baptist Convention)
Comment piaknop aomleh...